A secretaria xeral de Modernización e Innovación Tecnolóxica, Mar Pereira, recollerá hoxe o premio á Iniciativa da Administración que o Colexio Profesional de Enxeñaría en Informática de Galicia (CEIPG) concedeu a 2014.gal Axenda Dixital de Galicia, a estratexia tecnolóxica global da Xunta de Galicia. O acto desenvolverase no marco da II Noite da Enxeñaría de Galicia que o CEIPG celebrará en Santiago de Compostela.

A conselleira de Facenda, Marta Fernández Currás, recolle esta noite o galardón ‘Proxecto Innovador’ outorgado polo Colexio Profesional de Enxeñaría en Informática de Galicia (CPEIG) e que premia o sistema de facturación electrónica da Xunta de Galicia pola súa innovación e servizo público.

O vindeiro luns inaugúrase no Centro Laboral Lamastelle de Oleiros a exposición itinerante e interactiva da Secretaría Xeral de Medios “Galiciadixital”, que ademais dos seus contidos habituais, como o tiraboleiro virtual ou o xogo “Aerodeslizadores por Compostela”, acolle tamén outros relacionados co 25 aniversario da CRTVG.

O vindeiro luns 18 de outubro terá lugar un encontro na Dirección Xeral de Sostibilidade e Paisaxe entre membros da Xunta de Galicia e responsables da Generalitat Valenciana para intercambiar experiencias en proxectos de Software Libre (FLOSS) na Administración Pública.

Identificar e aplicar melloras na xestión da pesca de baixura que garantan a sustentabilidade desta actividade a longo prazo é o obxectivo do proxecto que a Federación Galega de Confrarías está a por en marcha no seo do grupo de traballo de Sostibilidade da Actividade Extractiva da Plataforma Tecnolóxica TECNOPEIXE, do que é entidade dinamizadora.

O Portal do Empregado Público (PORTAX), que entrará en funcionamento nos vindeiros días, ten como obxectivo ser a ferramenta que permita, de forma áxil, rápida e sinxela, acceder aos servizos máis habituais dispoñibles para os profesionais da Xunta de Galicia. Deste xeito, os empregados públicos da Administración poderán acceder desde un enlace na Intranet da Xunta á información do seu interese nun espazo que centraliza o acceso a todos os servizos de carácter interno á súa disposición.

O Goberno galego non só non “despilfarra” na compra de licenzas de Microsoft senón que mellora substancialmente a situación herdada do Goberno bipartito con esta empresa. Tras renegociar o contrato para a adquisición de licenzas de Microsoft, a Xunta pasará de pagar 10,5 millóns de euros en 3 anos a 4,7 polo mesmo período de tempo, cumprindo así coa política de austeridade que está a aplicar o Goberno galego.

A Plataforma Tecnolóxica TECNOPEIXE vén de renovar a súa páxina web (www.tecnopeixe.org) e de introducir na mesma o concepto 2.0 que permite aos membros do colectivo interactuar a través do portal en Internet e aportar contidos de interese para o sector. Coa posta en marcha destas melloras, a Secretaría Técnica da plataforma, que é responsabilidade do Centro Tecnolóxico do Mar, pretende abrir novas vías de difusión e dinamización e contribuír á implantación e ao uso das tecnoloxías da información e comunicación no sector marítimo-pesqueiro.

O secretario xeral da Presidencia da Xunta de Galicia, Valeriano Martínez García, salientou hoxe que os Orzamentos de Galicia para o ano 2011 son “realistas e coherentes” co contexto económico actual, posto que buscan máis austeridade, menos gasto corrente e maior eficiencia, mantendo as liñas de acción pública cara á cidadanía e cara aos sectores estratéxicos da nosa comunidade.

Os orzamentos do 2011 para a provincia de Lugo teñen como referente “a converxencia territorial”, por elo “priman o investimento nesta provincia” e, fundamentalmente, “impulsan o desenvolvemento en tres eidos básicos: O tecido empresarial, o medio rural e as infraestruturas”.