O secretario xeral de Medios, Alfonso Cabaleiro Durán, e mailo alcalde de Celanova, Antonio Mouriño Villar, inauguraron hoxe o telecentro de comunicación do municipio (ubicado no Mosteiro de San Salvador) co que se pretende achegar aos veciños as tecnoloxías da información e a comunicación, convertendo este aula multimedia nun espazo apropiado para familiarizar á cidadanía coas novas canles e soportes audiovisuais de comunicación.

A Xunta de Galicia conseguiu rebaixar en 35 días o tempo de pagamento fixado por lei, na actualidade en 60 días. Grazas á implantación do Sistema Electrónico de Facturación (SEF) rematou agosto cunha media de 25,4 días para afrontar o pagamento aos seus provedores. Esta cifra tamén é 20 días inferior ao compromiso que se marcou a Administración autonómica de pagar nun máximo de 45 días.

O vindeiro martes, 14 de setembro, inaugúrase no edificio administrativo da Xunta de Galicia en Pontevedra a exposición itinerante e interactiva da Secretaría Xeral de Medios “Galiciadixital” que ademais dos seus contidos habituais, como o tiraboleiro virtual ou o xogo “Aerodeslizadores por Compostela”, acolle tamén outros relacionados co 25 aniversario da CRTVG.

A Secretaría Xeral de Modernización e Innovación Tecnolóxica aprobou a concesión de preto de 6 millóns de euros para subvencionar iniciativas que se desenvolverán no ámbito empresarial da sociedade da información.

A Secretaría Xeral de Modernización e Innovación Tecnolóxica vén de premiar 6 proxectos para o desenvolvemento de novos contidos en Internet por un importe total de 46.000 euros. O departamento que dirixe Mar Pereira convocou estes premios destinados a particulares e asociacións non empresariais sen ánimo de lucro.

O conselleiro de Presidencia, Administracións Públicas e Xustiza, Alfonso Rueda, inaugurou hoxe na delegación da Xunta en Pontevedra a exposición GaliciaDixital itinerante, que ofrece unha viaxe interactiva pola comunidade e que acolle tamén unha serie de contidos encamiñados a celebrar os 25 anos de vida da CRTVG.

A Secretaría Xeral de Modernización e Innovación Tecnolóxica colabora co Colexio Profesional de Enxeñaría Informática de Galicia (CPEIG) no desenvolvemento de actuacións de formación, capacitación e promoción no ámbito das tecnoloxías da Información. Así se recolle nun convenio asinado hoxe entre ambas entidades e en virtude do cal o departamento autonómico achegará 112.000 euros ao CPEIG para a realización de 6 actividades diferentes.

O presidente da Xunta de Galicia, Alberto Núñez Feijóo, salientou un investimento de 154 millóns de euros para que todos os núcleos de poboación de máis de cen habitantes dispoñan de acceso de calidade á rede, e para proporcionar cen megas de velocidade a máis de 530.000 galegos e galegas que viven fóra das cidades. Segundo dixo o presidente, “ese é o noso compromiso e o vamos desenvolver ao longo desta lexislatura”, tal como aparece recollido na Axenda 2014.gal.

A Consellería de Traballo e Benestar inviste un total de 250.000 en habilitar axudas e recursos para que os grupos de investigadores galegos constitúan empresas de base tecnolóxica cos resultados do seu traballo. O obxectivo é impulsar a transferencia dos coñecementos do ámbito investigador á sociedade e crear negocios cun “plus de competitividade e innovación”.

O conselleiro de Economía e Industria, Javier Guerra, anunciou hoxe o novo programa “TelentGalia”, adicado á captación de investigadores de primeiro nivel coa finalidade de fortalecer o sistema da I+D+i galega. Guerra avanzou as características deste novo programa para captar talento destinado aos centros tecnolóxicos e de investigación, cun orzamento superior aos 12 millóns de euros.