A conselleira de Sanidade, Pilar Farjas Abadía, presentou hoxe, na Domus, o libro titulado: Algoritmos clínicos para a consulta de Atención Primaria: respostas rápidas no punto de atención, que está editado polo portal sanitario fisterra.com. A publicación, coordinada por Arturo Louro González, é o resultado dun traballo de reflexión dos profesionais asistenciais, unha gran maioría galegos, que aportan, non só os seus coñecementos, senón, o que é máis importante, a súa experiencia na atención diaria dos pacientes, que o que lle confire valor á obra.

O Servizo de Radioloxía e Radiodiagnóstico do Complexo Hospitalario de Ourense ven de estrear unha nova área, totalmente equipada, que amplía as súas instalacións no Santa María Nai, centro no que se centralizará a partir de agora a oferta de radiodiagnóstico para pacientes ambulatorios ou programados.

A Xunta de Galicia mellorará a seguridade dos sistemas de información de todos os seus departamentos coa posta en marcha dun Plan Director de Seguridade da Información, que cun orzamento de 2,8 millóns de euros abarca o período 2010-2014. O plan contempla dez liñas de actuación e aplicarase progresivamente ao conxunto de consellerías da Administración autonómica, aos seus organismos autónomos, sociedades públicas e fundacións do sector público autonómico.

A modernización das entidades locais pasa por camiñar cara a administración electrónica, un proceso que a Xunta de Galicia iniciou o pasado mes de maio coa aprobación da iniciativa eConcellos que busca simplificar e mellorar os circuítos de rexistro, modernizar a relación presencial coa cidadanía e facilitar o uso dos servizos telemáticos das administracións por parte dos cidadáns.

O conselleiro de Economía e Industria, Javier Guerra, puxo hoxe a disposición do sector das TIC o novo fondo de capital risco Xes Innova, dotado con 2 millóns de euros, e que xa ten sido habilitado desde XesGalicia para apoiar especificamente proxectos innovadores.

A Secretaría Xeral de Modernización e Innovación Tecnolóxica impulsa o seu portal iMit como lugar de referencia das iniciativas da Xunta en materia de novas tecnoloxías cunha nova versión máis participativa e encamiñada cara o concepto de web 2.0, xa que, en breve, estará presente nas redes sociais de Facebook e Twiter. A web incorpora un espazo para que os usuarios opinen sobre temas de actualidade, que se inaugura cunha pregunta sobre o futuro do libro electrónico, ademais de permitir o acceso ás fotos desde Flickr e dispoñer dunha canle multimedia.

O Centro Tecnolóxico do Mar colaborou con máis de 200 organismos na execución de preto de 80 proxectos de investigación no último exercizo. O persoal da Fundación CETMAR traballou da man de institucións, centros investigadores e empresas do sector marítimo-pesqueiro de Galicia, de España e dunha trintena de países de todo o mundo. Máis da metade das iniciativas foron financiadas pola Xunta de Galicia. Así se desprende da Memoria anual do Centro correspondente ao ano 2009 que foi presentado hoxe pola directora xerente, Paloma Rueda Crespo, nun acto na sede da institución en Vigo.

O conselleiro de Presidencia, Administracións Públicas e Xustiza, Alfonso Rueda, a secretaría Xeral de Modernización e Innovación Tecnolóxica, Mar Pereira, e o presidente da Federación Galega de Municipios e Provincias (FEGAMP), Carlos Fernández, asinaron esta mañá un convenio para o desenvolvemento da eAdministración nas entidades locais galegas coa finalidade de garantir aos cidadáns o acceso electrónico aos servizos públicos.

Anuncio do 8 de xullo de 2010 polo que se publica o requirimento de emenda de documentación das solicitudes presentadas así como a apertura do trámite de audiencia a determinados interesados, ao abeiro da Resolución do 14 de abril de 2010 pola que se establecen as bases reguladoras para a concesión, en réxime de concorrencia competitiva, das subvencións para potenciar o desenvolvemento do sector empresarial da sociedade da información, no ámbito da Comunidade Autónoma de Galicia para o ano 2010, cofinanciadas polo Fondo Europeo de Desenvolvemento Rexional (Feder), e se procede á súa convoca

A secretaria xeral da Igualdade, Marta González, presentou hoxe o novo sitio web do seu departamentohttp://www.mulleresengalicia.es, que non quere limitarse a ser un espazo institucional senón que aspira a converterse nun punto de encontro para todas as persoas, mulleres e homes, que viven na nosa comunidade autónoma, e que están interesadas en conseguir unha sociedade máis igualitaria na que teñamos as mesmas oportunidades respectando as nosas diferenzas.