A Xunta puxo hoxe en marcha o seu novo portal corporativo, máis intuitivo, sinxelo e accesible ao cidadán. A web foi concebida pensando en mellorar a atención ao usuario, incrementando os servizos dispoñibles, ofrecendo unha navegación asequible a todos os perfiles, unha maior interactividade e novas canles multimedia.

O conselleiro de Presidencia, Administracións Públicas e Xustiza, Alfonso Rueda, destacou hoxe a importancia do Plan Senda 2014, que foi dado a coñecer ao Consello da Xunta a pasada semana e que por vez primeira establece unha auténtica folla de ruta para integrar as Tecnoloxías da Información e da Comunicación no ámbito xudicial.

O polígono industrial de Botos no Concello de Lalín disporá de Rede Wimax para acceder á banda larga a partir de mañá martes, 15 de xuño marzo. O municipio incorpórase ao proxecto WIMAX en polígonos industriais e parques empresariais que está a desenvolver a Secretaría Xeral de Modernización e Innovación Tecnolóxica para paliar as carencias no acceso a internet de banda larga nestes puntos. As deficiencias no acceso a unha rede de calidade nestas zonas provocan unha diminución considerable na capacidade das empresas alí radicadas para competir no mercado actual.

O presidente da Xunta, Alberto Núñez Feijóo, acompañado da secretaria xeral de Modernización e Innovación Tecnolóxica, Mar Pereira, recibiu esta mañá aos representantes do Clúster TIC, aos que informou da aprobación no próximo Consello do Goberno galego da 2014 Axenda Dixital de Galicia. Trátase do instrumento que establece o xeito no que as políticas tecnolóxicas respaldan e reforzan os eixos de actuación do Plan Estratéxico Galicia 2010-2014 e co que a Administración autonómica afronta o reto da converxencia co novo mercado dixital.

A Consellería do Mar potencia o I+D+I no sector pesqueiro coa publicación no Diario Oficial de Galicia (DOG) das axudas para a realización de proxectos piloto dirixidos á adquisición e difusión de novos coñecementos técnicos. A Consellería destinará 2.700.000 euros distribuídos en tres anualidades a proxectos innovadores que garantan unha pesca sustentable. Estas axudas, que son unha proba máis da aposta da Consellería pola investigación e a innovación, contan co apoio financeiro do Fondo Europeo da Pesca.

O presidente da Xunta, Alberto Núñez Feijóo, salientou hoxe que a Axenda Dixital 2014.gal suporá incrementar o peso do sector das TIC no PIB de Galicia do 4,8 ao 6%, mobilizando 1.600 millóns de euros ata 2014 e creando 12.000 postos de traballo.

O presidente do Executivo autonómico, Alberto Núñez Feijóo, e a secretaria xeral de Modernización e Innovación Tecnolóxica, Mar Pereira, presentarán este venres as liñas estratéxicas da 2014.gal Axenda Dixital de Galicia ante os axentes políticos, sociais e económicos da Comunidade.

Cento dez rapaces e rapazas de Ferrol tiveron a oportunidade de coñecer en persoa ao Xabarín, mascota do programa da Televisión de Galicia do mesmo nome, que visitou hoxe a aula da Rede CeMIT (Centros para a Modernización e a Inclusión Tecnolóxica de Galicia) da cidade, situada na Praza de España.

Esta actividade enmárcase dentro das iniciativas organizadas conxuntamente pola Secretaría Xeral de Medios e a Compañía de Radio Televisión de Galicia (CRTVG), para conmemorar o 25º aniversario do ente autonómico na Rede CeMIT.

A día de hoxe un total de 32 concellos galegos dos 42 que estaban integrados na antiga Rede de Dinamización da Sociedade da Información de Galicia manifestaron a súa intención de adherirse ao novo modelo da Rede de Centros de Modernización e Innovación Tecnolóxica (CeMit) da Xunta de Galicia que, entre outros aspectos, integra as aulas públicas de acceso a Internet existentes na Comunidade e co que se busca achegar a formación en novas tecnoloxías ao maior número de concellos posibles.

Un novo modelo de xestión

A Xunta de Galicia entende a Administración electrónica como unha actuación orientada a ofrecer a cidadáns e empresas uns servizos públicos máis eficientes e máis próximos utilizando as novas tecnoloxías da información e das telecomunicacións. Así o indicou a subdirectora xeral de Sistemas de Información e Modernización da Administración Pública, María José García Sexto, durante a “Xornada sobre a Modernización da Administración Autonómica de Galicia”, organizada pola Dirección Xeral de Avaliación e Reforma Administrativa.