A conselleira de Sanidade, Pilar Farjas Abadía, presidiu hoxe a sesión plenaria da reunión de Consellos de Dentistas de Europa, destacando o avance que supón a incorporación da historia clínica electrónica nas unidades de Saúde Bucodental. “A día de hoxe contamos con 85 destas unidades”, dixo a titular da carteira sanitaria, e que se atopan ubicadas nos centros de saúde, dándose cobertura por medio delas á poboación da nosa Comunidade.

A secretaria xeral de Modernización e Innovación Tecnolóxica, Mar Pereira, reuniuse hoxe cos axentes implicados no sector das novas tecnoloxías de Galicia para definir as políticas de fomento da innovación TIC. Estas actuacións constitúen un dos apartados do Plan Estratéxico Tecnolóxico Global que o departamento autonómico presentará no mes de xuño.

O vindeiro curso escolar, a Consellería de Educación e Ordenación Universitaria comezará a implantar o proxecto ABALAR en aulas de 5º de Primaria e 1º da ESO, cun desembolso global de 12.120.000 €. O proxecto, presentado a todas as comunidades educativas das cidades de Galicia chegará a un 77% de aulas de centros públicos e a un 23 dos concertados. Deste xeito, a Consellería de Educación dotará a 14.375 alumnas e alumnos destes cursos dun ordenador ultraportátil, nas catro provincias galegas, nesta primeira fase.

A secretaria xeral de Modernización e Innovación Tecnolóxica, Mar Pereira, recollerá esta noite en Marbella o premio ao Proxecto Tecnolóxico do Ano no Sector Público que a revista ComputerWorld vén de concederlle á Xunta de Galicia. ComputerWorld, publicación líder en España especializada en Tecnoloxías da Información e as Comunicacións, decidiu galardoar a Administración autonómica polo seu impulso definitivo da sociedade da información e a e-Administración.

A Secretaría Xeral de Modernización e Innovación Tecnolóxica concederá axudas de ata 38 millóns de euros para a creación de novas infraestruturas previstas no Plan de Banda Larga 2010-2013. Así se recolle en dúas ordes de axuda, en réxime de concorrencia competitiva, publicadas hoxe no Diario Oficial de Galicia (DOG).

O cloud computing protagonizará o novo faladoiro dixital, organizado polo Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega), no marco da campaña de divulgación e difusión de novos perfís profesionais na era dixital. O encontro desenvolverase na Facultade de Informática da Coruña (FIC) o vindeiro 7 de xuño de 11.15 a 14.00 horas.

O titular da Xunta, Alberto Núñez Feijóo, avanzou hoxe que Galicia será “a primeira comunidade autónoma que regulará tanto as infraestruturas e os puntos de carga dos vehículos eléctricos coma todos os aspectos técnicos, xurídicos e administrativos que teñen que ter estas infraestruturas de recarga” deste tipo de coches. Así o subliñou na rolda de prensa tras o Consello de Xunta, que hoxe coñeceu un informe sobre o decreto que regulará as infraestruturas e os puntos de carga deste tipo de vehículos.

No marco do Plan de modernización da Administración autonómica, a Xunta impulsará os servizos dispoñibles no nodo de interoperabilidade Pasaxe! co obxectivo de acadar o millón de consultas en 2015, o que posibilitará un aforro de 5 millóns de euros pola redución de cargas administrativas. Ademais, este ano porase en marcha o sistema de notificacións electrónicas Notific@, que substituirá as comunicacións certificadas por correo ordinario coas mesmas garantías legais, de seguridade e confidencialidade.

A sede da Axencia para a Modernización Tecnolóxica de Galicia (Amtega) acolleu, a través de videoconferencia, a xuntanza do Grupo de Traballo de Observatorios, Medidas e Indicadores do Comité Sectorial de Administración Electrónica, na que se definiu un novo cuestionario para a elaboración da enquisa sobre a eAdministración nas Comunidades Autónomas, un informe que se ven publicando dende o ano 2005.

A Xunta de Galicia está a traballar nun Plan Estratéxico Tecnolóxico Global que establece un modelo de sostibilidade económica, medioambiental e tecnolóxica, que aliñando táctica e estratexia permitirá a redución de custes e o aumento da productividade en tempos de crise. Así o indicou esta mañá a secretaria xeral de Modernización e Innovación Tecnolóxica, Mar Pereira durante a súa intervención na mesa redonda “A Sostibilidade TIC na Administración Autonómica” no II Encontro co Sector Público do Observatorio Dintel 2010, que se está a celebrar en Santander.