A Xunta de Galicia incorpora a rede iCousas ao catálogo de servizos dixitais que pon á disposición dos concellos, no marco do
convenio de colaboración coa Federación Galega de Municipios e Provincias (Fegamp). O acordo busca garantir que todos os municipios, independentemente do seu tamaño, dispoñan de ferramentas tecnolóxicas avanzadas sen que isto supoña un custe adicional para as súas arcas municipais.

A Axencia para a Modernización Tecnolóxica de Galicia (Amtega) publica hoxe no DOG unha nova convocatoria de cursos titorizados en liña para obter a certificación galega de competencias dixitais (Comdix), no nivel de iniciación, que se impartirán durante o primeiro semestre de 2026, a través da rede CeMiT.
As accións formativas están dirixidas a persoas maiores de 16 anos que desexen mellorar as súas competencias dixitais ou iniciar o itinerario oficial para obter o Comdix– iniciación.

A Xunta de Galicia conta cunha plataforma corporativa de teleformación, xestionada pola Axencia para a Modernización Tecnolóxica de Galicia (Amtega), que dá soporte a 18 áreas formativas, orientadas tanto á cidadanía como ao persoal empregado público. Só no último ano esta canle dixital de aprendizaxe permitiu ofertar arredor de 3.000 cursos dos que se beneficiaron máis de 35.500 persoas, consolidándose como unha das principais ferramentas de capacitación e actualización de coñecementos da Administración autonómica.

O Consello da Xunta autorizou hoxe a tramitación dun acordo marco que garante a continuidade, o mantemento e a ampliación da plataforma de virtualización de postos de traballo, impulsada pola Axencia para a Modernización Tecnolóxica de Galicia (Amtega), que lles permite aos empregados públicos acceder de maneira segura aos seus equipos e aplicacións corporativas, tanto desde o posto físico da oficina como en modalidade de teletraballo ou mobilidade. 

O Nodo Galego de Ciberseguridade CIBER.gal impulsou máis de 300 actividades de formación, sensibilización e divulgación, que beneficiaron a máis de 11.000 persoas. Son datos do balance anual 2025 presentado esta semana durante a IV Asemblea do Nodo, que reuniu ás entidades integrantes do ecosistema e na participou o director da Axencia para a Modernización Tecnolóxica de Galicia (Amtega), Damián Rey.

A Xunta de Galicia poderá destinar ata 11,8 millóns de euros nos vindeiros catro anos a afrontar as necesidades de renovación das licenzas de software que empregan os servidores virtuais da Administración autonómica, así como para a súa ampliación cando
sexa necesario, a través dun acordo marco que hoxe aprobou contratar o Consello de Goberno.

A Xunta aposta pola especialización tecnolóxica que permita o desenvolvemento dunha ciberseguridade adaptada ás
características e necesidades de Galicia, en liña coa Estratexia Galicia Dixital 2030, segundo asegurou hoxe o director da Axencia para a Modernización Tecnolóxica de Galicia (Amtega), Damián Rey.

O presidente da Xunta, Alfonso Rueda, destacou hoxe que Galicia levou a cabo nos últimos anos un proxecto pioneiro en Europa para ampliar a rede de telefonía móbil e dotar de cobertura e internet a 210 núcleos illados do rural nos que residen máis de 5.000 persoas. “Imos garantir o acceso aos servizos básicos ata onde permita a técnica e as telecomunicacións son hoxe en día un servizo fundamental”, indicou. 
 

O presidente de Portos de Galicia, José Antonio Álvarez, e o director da Axencia para a Modernización Tecnolóxica de Galicia (Amtega), Damián Rey, asinaron esta mañá un convenio de colaboración que permitirá avanzar na administración electrónica do ente público, logo da súa recente adhesión ao sistema da axencia. O acordo rexerá o traballo para desenvolver de cara á xestión do sistema portuario galego no eido das tecnoloxías da información e comunicación, a innovación e o desenvolvemento tecnolóxico.

A Xunta porá en marcha a principios de 2026 os la