O 15,5% das empresas galegas sufriu algún incidente de ciberseguridade no último ano, unha porcentaxe que se eleva a preto do 50% no caso das empresas de máis de 49 traballadores. Os incidentes principais son os ataques de phising, é dicir, intentos de obter información suplantando unha identidade de alguén externo á empresa. A consecuencia máis habitual dos eventos de
ciberseguridade é a falta de dispoñibilidade de servizos tecnolóxicos.

O director da Axencia para Modernización Tecnolóxica de Galicia (Amtega), Julián Cerviño, asistiu hoxe en Madrid ao encontro Desafío Alia: Impulsando o ecosistema da IA en España, que reúne a profesionais, institucións e axentes do ecosistema dixital para reflexionar sobre como construír unha IA máis responsable, eficiente e sostible.

A Xunta de Galicia pon en marcha as novas versións da Sede Xudicial Electrónica e do Portal de Xustiza de Galicia, cun deseño renovado, máis visual e doado de usar, que facilita o acceso á información e aos servizos xudiciais desde calquera dispositivo.

O Consello da Xunta aprobou hoxe a contratación do servizo de evolución da Plataforma de Administración electrónica xudicial de Galicia, por un importe de máis de 2,6 millóns de euros ata 2028, que adaptará o sistema ao modelo de Administración e Goberno intelixentes.

O presidente da Xunta, Alfonso Rueda, destacou hoxe que a futura fábrica de intelixencia artificial 1HealthAI consolidará Galicia como un nodo tecnolóxico estratéxico a nivel europeo. Neste sentido, precisou que esta será a factoría de IA máis especializada das 19 que hai en Europa. Así o sinalou hoxe durante o acto de presentación desta iniciativa, que está liderada polo Centro de Supercomputación de Galicia (CESGA) e coliderada polo Consello Superior de Investigacións Científicas (CSIC).

O 84,3% das persoas de Galicia de 5 a 15 anos utilizou dispositivos electrónicos nos últimos 3 meses, e a porcentaxe sube
ata o 94,8% no caso das de 10 a 15 anos. Os datos do estudo Rapaciñ@ dixitais. Edición 2024 elaborado polo Observatorio da Sociedade da Información en Galicia (Osimga), adscrito á Axencia para a Modernización Tecnolóxica de Galicia indican que o nivel de
dixitalización nestas idades recupera a tendencia ascendente tras a baixada detectada en 2023.

A Xunta de Galicia insistiu hoxe en que, ao menos nos municipios rurais, a telefonía móbil debe ser considerada polo Goberno
do Estado como un servizo universal, para non estar sometido o seu despregamento soamente aos criterios de rendibilidade das operadoras.

O director da Axencia para a Modernización Tecnolóxica de Galicia destacou hoxe a importancia da colaboración institucional e empresarial e de avanzar na especialización tecnolóxica para facer fronte aos retos da ciberdelincuencia. O responsable do departamento autonómico participou hoxe na xornada “Ciberseguridade, protección dos cidadás e crecemento económico”, organizada pola Confederación de Empresarios de Galicia (CEG).
A colaboración, eixo central da estratexia galega 

O director da Axencia para a Modernización Tecnolóxica de Galicia (Amtega) subliñou hoxe a capacidade da comunidade para consolidarse como referente nacional na implantación da intelixencia artificial (IA), froito dun traballo continuado en planificación e normativa que sitúa Galicia nunha posición de vangarda. O responsable do departamento autonómico participou hoxe na Coruña na presentación do proxecto Allocate, de cuxo consello asesor formará parte a Axencia autonómica.

O presidente da Xunta, Alfonso Rueda, anunciou hoxe que o Consello aprobou esta mañá o Programa Galego de Intelixencia Artificial 2026-2028, “a folla de ruta para avanzar moito e intentar xeneralizar o uso desta tecnoloxía na administración, nas empresas e no día a día dos galegos”. 

Segundo afirmou Rueda, estará dotado de 54 de millóns de euros e, entre os obxectivos principais, está “ampliar os servizos públicos” que a Xunta ofrecerá á cidadanía a través desta ferramenta en eidos como a administración, a sanidade ou a xestión de residuos.