O conselleiro de Presidencia, Xustiza e Deportes, Diego Calvo, e o director da Axencia para a Modernización Tecnolóxica de Galicia
(Amtega), Julián Cerviño, asinaron hoxe co secretario de Estado de Xustiza, Manuel Olmedo, o convenio para a incorporación de novas ferramentas tecnolóxicas que permitan seguir avanzando na dixitalización da xustiza en Galicia.

O director da Axencia para a Modernización Tecnolóxica de Galicia (Amtega), Julián Cerviño, destacou hoxe na VI Edición do Foro Telecos, a importancia das tecnoloxías sen fíos para dar resposta ás necesidades específicas de Galicia e o papel que está a desempeñar o nodo Conectivi.gal neste ámbito.

A Axencia para a Modernización tecnolóxica de Galicia (Amtega) inicia o vindeiro 21 de novembro un novo ciclo de sesións
formativas en materia de ciberseguridade baixo o lema “Prepárate para un Nadal ciberseguro”.
Os obxectivos destas sesións son concienciar sobre os principais riscos de ciberseguridade durante o Nadal, ofrecer pautas sinxelas para realizar compras en liña seguras, axudar a identificar fraudes, estafas e trampas típicas destas datas e dar as claves para protexer xoguetes e dispositivos conectados que chegan como agasallo.

O director da Axencia para a Modernización Tecnolóxica de Galicia (Amtega), Julián Cerviño, asiste en Barcelona ao Gartner IT
Symposium/Xpo™ 2025, no que se abordan as tendencias tecnolóxicas que están a marcar o futuro da administración pública e os servizos dixitais
Este foro internacional, que reúne a máis de 6.500 CIOs e executivos de TI de todo o mundo ata o 13 de novembro, analiza os retos da intelixencia artificial, a ciberseguridade, as tecnoloxías emerxentes así como a planificación estratéxica da transformación dixital.

O conselleiro de Facenda e Administración Pública, Miguel Corgos, compartiu hoxe consellos de seguridade dixital co alumnado finalista do concurso Ciberseguridade no cole!. A final do certame celebrouse na mañá de hoxe, venres, como unha das actividades do V Encontro Galego de Ciberseguridade, CIBER.gal.

A Xunta continúa dando pasos para consolidar Galicia como rexión de vangarda das novas tecnoloxías. A través da Axencia para a Modernización Tecnolóxica de Galicia (AMTEGA), e cun traballo transversal, a Comunidade galega leva 15 anos avanzado neste eido.

A conselleira de Economía e Industria, María Jesús Lorenzana, lembrou hoxe que ata o vindeiro 10 de decembro aínda se poden solicitar as novas axudas da Xunta para servizos empresariais de ciberseguridade, que contan cun orzamento de 1,5 millóns e 22 empresas tecnolóxicas adheridas como provedores homologados.

Galicia convértese ata o venres no epicentro do debate sobre os retos da ciberseguridade. A ciberdelincuencia é a maior ameaza para a transformación dixital, ao por en risco a convivencia, a seguridade, os bens materiais e a integridade física. Durante tres días, nomeados profesionais do sector compartirán prácticas para afrontar con éxito o reto que supoñen as novas formas de delincuencia na rede.

O uso das tecnoloxías na Administración dixital permite á Administración ofrecer uns servizos máis eficaces, máis personalizados, máis accesibles e máis seguros. Humanizar a Administración é un dos obxectivos principais da visión 360º da cidadanía que ten en marcha a Xunta.