A Consellería de Medio Ambiente, Territorio e Infraestruturas vén de poñer en marcha unha nova aplicación gratuíta Meteogalicia coa que os cidadáns poderán consultar a información de predición e das redes de observación de Meteogalicia por concellos e para un horizonte de ata 10 días, a través dos seus dispositivos móbiles.

A Axencia para a Modernización Tecnolóxica de Galicia (Amtega), en colaboración coa Dirección Xeral de Administración Local, porá en marcha este ano un sistema de licitación pública electrónica para as deputacións e as entidades locais.

O novo servizo comezará a implantarse no último trimestre do ano cun alcance inicial de 100 concellos. O principal obxectivo é optimizar os procesos de contratación, aumentar a transparencia da contratación pública, facilitar o acceso das pemes á contratación pública, e realizar un permanente control e monitoraxe do gasto público.

A Consellería de Economía e Industria está a liderar o proxecto ENTIC de cooperación transfronteiriza entre Galicia e Norte de Portugal, que ten por obxectivo favorecer o desenvolvemento e a incorporación ás pemes de medidas de eficiencia enerxética e solucións e ferramentas TIC que reduzan as emisións contaminantes á atmosfera. Neste sentido, os interesados en participar na iniciativa poden dirixirse ao Igape ou inscribirse contestando a enquisa que localizarán na web www.entic.eu.

A Rede de Centros para a Modernización e a Inclusión Tecnolóxica (CeMIT) rematará na primeira semana de setembro a primeira edición do curso de teleformación para á obtención da certificación galega en competencias dixitais en ofimática (CODIX), dirixida aos responsables das aulas CeMIT e das entidades colaboradoras e de acción voluntaria da Axencia para a Modernización Tecnolóxica de Galicia (Amtega).

O director da Axencia Galega de Innovación, Manuel Varela, destacou hoxe, durante unha visita ás instalacións da empresa biotecnolóxica de O Porriño Innaves, que os proxectos innovadores da compañía supoñen un exemplo da innovación aberta impulsada pola Xunta para unir en proxectos de investigación a empresas, centros tecnolóxicos e universidades.

O director da Axencia Galega de Innovación (Gain), Manuel Varela Rey, presentou hoxe no Centro Tecnolóxico de Comunicacións de Galicia (Gradiant) o proxecto TICE, unha nova iniciativa innovadora para mellorar o comercio electrónico, empregando, entre outras ferramentas, un sistema que permitirá aos móbiles recoñecer as emocións dos consumidores a través das súas expresións faciais.

O Diario Oficial de Galicia vén de publicar a resolución pola que se amplía ata o 30 de setembro de 2014 o prazo de presentación de solicitudes de axuda para garantir o acceso a internet de banda larga vía satélite á poboación das zonas con máis dificultades de cobertura debido ao seu illamento, dispersión e complicada orografía. O Goberno galego convocou en marzo de este ano estas subvencións nas que se investirán 359.000 de euros para facilitar o acceso a Internet vía satélite aos galegos que non poden dispoñer deste servizo a través doutras tecnoloxías.

A Federación Down Galicia, en colaboración co Programa de Voluntariado Dixital da Xunta (Voldix), promovido pola Axencia para a Modernización Tecnolóxica de Galicia (Amtega) e a Dirección Xeral de Voluntariado, organizan unhas xornadas formativas sobre manexo básico en ferramentas ofimáticas de follas de cálculo para impartir entre os traballadores e traballadoras das súas entidades membro.

O Centro Demostrador TIC da Axencia para a Modernización Tecnolóxica de Galicia (Amtega) amplía a súa carteira de servizos para que pemes e autónomos poidan acceder máis facilmente á oferta tecnolóxica que existe no mercado. O Servizo de Consultas TIC, o Servizo CDTIC Virtual e o Servizo de Streaming, súmanse desde hoxe ás actuacións que vén desenvolvendo o centro desde hai tres anos para unir a oferta TIC e a demanda dos restantes sectores empresariais galegos.

O Centro Demostrador TIC, que xestiona a Axencia para a Modernización Tecnolóxica de Galicia (Amtega), acollerá o día 3 de setembro unha sesión demostradora baixo o título “Trámites para a presentación das axudas de mentoring en comercio electrónico” (https://cdtic.xunta.es/tramites-mentoring) que se impartirá en horario de 12.00 a 13.30 horas e que está organizada polo Clúster TIC de Galicia.