O Colexio Profesional de Enxeñaría en Informática de Galicia (CPEIG) organiza, en colaboración coa Axencia para a Modernización Tecnolóxica de Galicia (Amtega), o seminario Axenda Dixital Europea e Redes Transeuropeas que, desde unha perspectiva da UE, española e autonómica, proporcionará unha visión xeral das políticas dixitais a eses tres niveis, ilustradas mediante a presentación das axendas dixitais da UE, de España e a relación existente entre elas.

A directora da Axencia para a Modernización Tecnolóxica de Galicia (Amtega), Mar Pereira, avanzou hoxe que Galicia contará cunha nova Axenda Dixital para o horizonte 2020. A responsable autonómica indicou que na elaboración desta nova estratexia dixital o seu departamento contará coa achega de expertos, das administracións e da sociedade galega, apostando por un modelo de intelixencia colectiva para acadar unha estratexia de todos e para todos os galegos.

O conselleiro de Cultura, Educación e Ordenación Universitaria, Xesús Vázquez Abad, a directora da Axencia para a Modernización Tecnolóxica de Galicia (Amtega), Mar Pereira, e o secretario xeral de Cultura, Anxo Lorenzo, presentaron na mañá de hoxe no Gaiás o novo sitio web da Consellería de Cultura, Educación e Ordenación Universitaria (http://cultura.xunta.es), “unha importante ferramenta –en palabras de Vázquez Abad– que porá en mans dos usuarios, entre outras cousas, unha Axenda personalizada con toda a actividade cultural da Xunta, deseñada para ac

A Consellería de Cultura, Educación e Ordenación Universitaria publica hoxe a resolución definitiva da convocatoria para a posta en marcha do novo proxecto de plataforma de contidos curriculares educativos dixitais, que se implantará no curso 2014/2015 en 84 centros educativos de toda Galicia. En total recibíronse 90 solicitudes nunha convocatoria que foi un éxito entre os centros públicos, que representan o 90% dos proxectos presentados. Ademais, un de cada tres centros públicos Abalar de primaria va a ser beneficiarios do programa.

Esta semana chega ao seu fin o Plan de Formación VolDIX 2014 “Innovación e Transformación Dixital 2.0”, no que este ano xa levan participado máis de 150 persoas voluntarias. Hoxe e mañá, venres 11 de xullo, pecharase este programa formativo con dúas xornadas sobre o coaching como ferramenta para que as personas acaden as súas metas e desenvolvan as súas habilidades para a transformación e a innovación social.

O Centro Demostrador TIC, que xestiona a Axencia para a Modernización Tecnolóxica de Galicia, acollerá o día 17 de xullo o seminario “Innovación aplicada á xestión enerxética: Solución co2st - tem” (https://cdtic.xunta.es/co2st-tem) que se impartirá no CDTIC Galicia en horario de 10.00 a 13.30 horas.

Nesta actividade explicaranse as vantaxes da plataforma web co2st - tem, que ten como principal obxectivo reducir os custos enerxéticos nas empresas.

O conselleiro de Economía e Industria, Francisco Conde, destacou hoxe a compañía coruñesa Health in Code, líder na diagnose e consello xenético en enfermidades cardiovasculares, como exemplo de emprendemento innovador, transferencia de resultados da innovación ao mercado e potenciación do talento galego, con máis de vinte empregados de alta cualificación.

A Consellería de Medio Ambiente, Territorio e Infraestruturas e Axencia para a Modernización Tecnolóxica de Galicia (Amtega) presentarán o vindeiro venres, 18 de xullo, o novo portal do Sistema de Información Xeográfica da Xunta de Galicia, unha plataforma que permite o acceso a toda a información de carácter xeográfico da comunidade.

A directora da Axencia para Modernización Tecnolóxica de Galicia (Amtega), Mar Pereira, participou esta mañá en Madrid na Conferencia Sectorial de Telecomunicacións e Sociedade da Información, que convoca o Ministerio de Industria, Enerxía e Turismo. A responsable da área tecnolóxica da Xunta trasladoulle ao Goberno central a necesidade de aliñar as actuacións e de que se teñan en conta as especificidades de Galicia no ámbito tecnolóxico e da sociedade da información para que a Comunidade cumpra os obxectivos fixados por Europa para o 2020.

A Xunta xa dispón dun Sistema de Información Xeográfica corporativo (SIX) que xestiona baixo un mesmo sistema toda a información xeoespacial da Administración autonómica. A conselleira de Medio Ambiente, Territorio e Infraestruturas, Ethel Vázquez, acompañada pola directora da Axencia para a Modernización Tecnolóxica de Galicia (Amtega), Mar Pereira, inaugurou hoxe a xornada técnica na que se presentou esta plataforma, cuxa porta de entrada é o portal mapas.xunta.es, e na que tamén se informou da posta en marcha da nova web de planeamento urbanístico de Galicia.