O 63,8% das microempresas galegas ten contratada conexión a Internet, experimentando un incremento nos últimos dous anos de 17,1 puntos porcentuais. Das microempresas con conexión a Internet, o 45,7% conta cunha velocidade de acceso de cando menos 4Mbps.

No caso das empresas galegas de 10 e máis empregados, a práctica totalidade dispón de acceso a Internet contratado (98%), 5,1 puntos porcentuais máis que en xaneiro de 2009. Máis da metade (53,2%) conta con velocidade superior a 4 Mbps.

A Xunta de Galicia contará no 2013 cunha rede de emerxencias propia que integrará a todos os colectivos que participan na resolución deste tipo de situacións. A nova unha rede dixital facilitará unha intervención efectiva e eficaz dos efectivos implicados e simplificará as tarefas de coordinación entre eles. A rede empregará o estándar TETRA, a tecnoloxía recomendada a nivel europeo para este tipo de comunicacións vinculadas á seguridade pública e empregada en centos de redes de máis de 100 países.

A Secretaría Xeral de Modernización e Innovación Tecnolóxica vén de resolver a convocatoria de axudas para o fomento de empresa dixital coa que subvenciona un total de 32 proxectos tecnolóxicos cun orzamento de 1,3 millóns de euros. O financiamento por proxecto acada os 41.000 euros o que supón un incremento medio por beneficiario dun 18,5% respecto a convocatoria de 2010.

O Diario Oficial de Galicia publica hoxe o Decreto que regula o proceso para obter un certificado de competencias dixitais en ofimática. Esta certificación, que será emitida pola Secretaría Xeral de Modernización e Innovación Tecnolóxica, permitirá á persoa titular acreditar, ante calquera instancia pública ou privada, as súas competencias en tecnoloxías da información e as comunicacións, en materia de ofimática.

O Centro Demostrador TIC de Galicia acolle hoxe unha Sesión Demostradora na que a empresaimaxin|software presentará aos asistentes os servizos ofrecidos por Amazon Web Services a través de exemplos prácticos e casos de éxito.

Hoxe ábrese un novo procedemento de inscrición en listas de diversas categorías de xestión e servizos a través do expediente electrónico do profesional, posto en marcha no mes de xullo deste ano e que ten xerado máis de 800.000 accesos.

As categorías para as que se inicia o prazo de solicitude son Celador, Persoal de Servizos Xerais (para centros de saúde) e Grupo Auxiliar da Función administrativa, nas que na anterior convocatoria presentáronse 6.659; 4.418 e 5.049 solicitudes respectivamente.

O presidente da Xunta, Alberto Núñez Feijóo, avanzou, esta tarde, despois dunha reunión coa ministra de Ciencia e Innovación en funcións, Cristina Garmendia, a posta en marcha dos proxectos INNOVA-Saúde e Hospital 2050, dotados cun total de 90 millóns de euros, “para mellorar a asistencia sanitaria, crear emprego e mellorar a competitividade na nosa economía”. “Estamos diante de dous proxectos innovadores, dotados con 90 millóns: 63 millóns de euros que recibiremos a través do Ministerio de Ciencia e Innovación de Fondos europeos e o resto o aportará a comunidade autónoma”, matizou.

A secretarias xerais de Modernización e Innovación Tecnolóxica e de Política Social, Mar Pereira e Coro Piñeiro, respectivamente, presentaron hoxe, na véspera do Día Internacional das Persoas con Discapacidade, o estudo sobre “O uso das TIC para a integración laboral das persoas con discapacidade”.

As aulas CeMIT de máis de trinta localidades galegas acolleron dende o 21 de marzo ata o pasado xoves, 1 de decembro, ás máis de mil persoas que asistiron ás distintas actividades organizadas pola Rede de Centros para a Modernización e Inclusión Tecnolóxica de Galicia (CeMIT) no marco do seu programa de Formación Multimedia e Audiovisual.

O Centro Demostrador TIC de Galicia participará desde hoxe e ata o 8 de decembro na XVIII Edición da Feira dous Autónomos de Galicia, FEMAGA 2011, que se celebra no Recinto Feiral de ExpoCoruña, mantendo un posto de información ao público durante todo o evento.