O Centro Demostrador TIC de Galicia acolle o vindeiro 18 de outubro a súa sexta Sesión Demostradora, na que a empresa Ednon presentará as  melloras que introduce a virtualización e consolidación de almacenamento nas organizacións empresariais.

A Consellería de Economía e Industria promove a través da sociedade BIC Galicia tres talleres denominados Emprendedor 2.0, cos que se quere dar a coñecer, tanto a emprendedores como a futuros empresarios, o novo escenario xurdido a partir das transformacións permanentes das tecnoloxías da información e as comunicacións (TIC).

A aula CeMIT de Ferrol acolle hoxe unha xornada formativa destinada aos técnicos municipais e responsables dos gobernos locais con competencias en materia de urbanismo e novas tecnoloxías. Na xornada, organizada polo Colexio Oficial de Enxeñeiros de Telecomunicación de Galicia (COETG) e a Secretaría Xeral de Modernización e Innovación Tecnolóxica, participarán 10 profesionais dos concellos de Cerdido, Fene, Narón, Neda, Ortigueira, Valdoviño e Guitiriz.

As aulas CeMIT de Vimianzo, Monforte, Pontevedra e Verín hoxe unha xornada formativa destinada aos técnicos municipais e responsables dos gobernos locais con competencias en materia de urbanismo e novas tecnoloxías. Na xornada, organizada polo Colexio Oficial de Enxeñeiros de Telecomunicación de Galicia (COETG) e a Secretaría Xeral de Modernización e Innovación Tecnolóxica, participarán preto de 60 profesionais de 37 concellos da catro provincias galegas.

A secretaria xeral de Modernización e Innovación Tecnolóxica, Mar Pereira,  inaugurou esta mañá en Vigo a IX edición de Galicia TIC, punto de encontro do entorno profesional e empresarial das novas tecnoloxías da Comunidade. O Foro analiza, a través de conferencias, paneis temáticos, casos de éxito e talleres, as tecnoloxías que irrompen con forza no actual escenario socioeconómico como o Cloud Computing, as redes sociais ou o RFID.  

A delegada territorial da Xunta en Vigo, Lucía Molares, ven de recibir a un grupo de mulleres emprendedoras que acaban de recoller o Premio de Excelencia á Innovación para Mulleres Rurais 2011.

O Conselleiro de Economía e Industria, Javier Guerra, e a secretaria xeral de Modernización e Innovación Tecnolóxica, Mar Pereira, que interviñeron esta noite na XVI Noite Galega das Telecomunicacións, que nesta edición tivo como lema central a “Nova economía sobre a banda larga” destacaron a importancia das tecnoloxías da información e a comunicación como unha peza clave que permitirá acelerar a innovación en Galicia.

O Consello do Goberno galego aprobou o pasado 13 de outubro o decreto que regula a presenza da Administración Xeral do Sector Público en Internet. O obxectivo do decreto, o segundo destas características despois do que está en vigor no País Vasco, é garantir a transparencia informativa e impulsar a participación cidadá a través das redes sociais avanzando cara un Goberno aberto.

As aulas CeMIT de Santiago, Lugo, O Carballiño e Tui acollen hoxe unha xornada formativa destinada aos técnicos municipais e responsables dos gobernos locais con competencias en materia de urbanismo e novas tecnoloxías. Na xornada, organizada polo Colexio Oficial de Enxeñeiros de Telecomunicación de Galicia (COETG) e a Secretaría Xeral de Modernización e Innovación Tecnolóxica, participarán un total de 54 profesionais de 37 concellos da catro provincias galegas.

As máis de 430.800 mulleres que residen nas comarcas do Baixo Miño e Paradanta (Pontevedra), na comarca de Verín (Ourense) e nas subrexións portuguesas de Minho-Lima e Cávado van beneficiarse dos servizos de catro centros de dinamización integral, situados en Tui, A Cañiza, Monterrei e Vilaverde, que entrarán en funcionamento este mesmo ano. Esta rede de centros vai por a disposición das usuarias estruturas compartidas para optimizar os recursos e as políticas de igualdade de oportunidades e de prevención da violencia de xénero a ambos lados da raia.