O Consello do Goberno galego aprobou o pasado 13 de outubro o decreto que regula a presenza da Administración Xeral do Sector Público en Internet. O obxectivo do decreto, o segundo destas características despois do que está en vigor no País Vasco, é garantir a transparencia informativa e impulsar a participación cidadá a través das redes sociais avanzando cara un Goberno aberto.

As aulas CeMIT de Santiago, Lugo, O Carballiño e Tui acollen hoxe unha xornada formativa destinada aos técnicos municipais e responsables dos gobernos locais con competencias en materia de urbanismo e novas tecnoloxías. Na xornada, organizada polo Colexio Oficial de Enxeñeiros de Telecomunicación de Galicia (COETG) e a Secretaría Xeral de Modernización e Innovación Tecnolóxica, participarán un total de 54 profesionais de 37 concellos da catro provincias galegas.

As máis de 430.800 mulleres que residen nas comarcas do Baixo Miño e Paradanta (Pontevedra), na comarca de Verín (Ourense) e nas subrexións portuguesas de Minho-Lima e Cávado van beneficiarse dos servizos de catro centros de dinamización integral, situados en Tui, A Cañiza, Monterrei e Vilaverde, que entrarán en funcionamento este mesmo ano. Esta rede de centros vai por a disposición das usuarias estruturas compartidas para optimizar os recursos e as políticas de igualdade de oportunidades e de prevención da violencia de xénero a ambos lados da raia.

O consorcio de empresas Porto Meloxo e Wireless Galicia xunto co grupo de Sistemas Intelixentes da Universidade de Santiago de Compostela presentará mañá no Centro Demostrador TIC de Galicia a nova plataforma Nautigal de integración de servizos especializados para novos modelos de turismo náutico en Galicia.

O presidente da Xunta, Alberto Núñez Feijóo, avanzou esta mañá, na rolda de prensa do Consello, a mobilización de 90 millóns de euros para investimentos en materia de sanidade pública, a través da sinatura de dous convenios financiados con Fondos Feder do Ministerio de Ciencia e Innovación e con fondos da Comunidade, co obxecto de buscar a eficiencia nas prestacións sanitarias a través da innovación. “Hoxe, -explicou- aprobamos dous convenios que buscan o mesmo: innovación sanitaria para atopar eficiencia na mellora continua dos servizos sanitarios públicos”.

O Diario Oficial de Galicia publica hoxe o Decreto que regula a presenza da Administración Xeral do Sector Público en Internet. O obxectivo do decreto é garantir a transparencia informativa e impulsar a participación cidadá a través das redes sociais avanzando cara un Goberno aberto.

Mañá abrirase o primeiro procedemento de inscrición en prazos para a inscrición en listas de diversas categorías do Servizo Galego de Saúde que se leva a cabo a través do expediente electrónico do profesional, sistema posto en marcha o pasado mes de xullo e que ten xerado xa máis de 800.000 accesos.

O presidente da Xunta, Alberto Núñez Feijóo, avanzou este mediodía, na rolda de prensa do Consello, que Galicia contará cunha rede de emerxencias única, que incorpore todos os beneficios da tecnoloxía punta e que suporá blindar, as 24 horas, a resposta ante as emerxencias que se produzan na comunidade. “Galicia contará, por primeira vez, cunha rede dixital de emerxencias en propiedade que integrará e conectará nun mesmo sistema a todos os colectivos.

A Secretaría Xeral de Modernización e Innovación Tecnolóxica resolverá no mes de novembro a axudas destinadas ao fomento da empresa dixital. O departamento autonómico xa informara no seu día ao sector das previsións de  resolución desta convocatoria de subvención. O elevado número de proxectos presentados, o amplo volume de documentación proposta polas empresas para subsanar xunto co peche do exercicio orzamentario en setembro dilataron este proceso de resolución.