O presidente da Xunta de Galicia, Alberto Núñez Feijóo, subliñou hoxe o “compromiso forte e recíproco” entre o Goberno galego e as empresas das tecnoloxías da información e da comunicación para consolidar “un sector TIC competitivo, innovador, xerador de emprego cualificado, capaz de facer fronte aos retos da nova economía do coñecemento”.

Os máximos responsables das empresas tecnolóxicas HP, Indra, Everis, Tecnocom, Iecisa, Satec, Televés, R, Altia, Coremain e o Clúster TIC Galicia asinaron esta mañá co presidente da Xunta o Protocolo para o Desenvolvemento Dixital de Galicia. É o primeiro acordo deste tipo que se realiza en España no que tanto o Goberno galego como as empresas asinantes asumen un decálogo de compromisos para, atraer investimento a Galicia, favorecer a internacionalización das pemes galegas e lograr a colaboración activa entre as grandes e pequenas empresas para conseguir o crecemento do sector.

O conselleiro de Economía e Industria, Francisco Conde, lembrou hoxe en Lugo que o programa 'Conecta Pemes', que será posto en marcha proximamente a través da Axencia Galega de Innovación (GAIN), permitirá impulsar a innovación entre as pequenas e medianas empresas galegas.

Xa está aberto o prazo da segunda convocatoria de axudas para contratar Internet vía satélite destinadas a fogares e pemes das zonas con máis dificultades de cobertura de toda a Comunidade. O programa conta este ano cun investimento de 359.000 euros e permitirá achegar a banda larga a case 2.400 fogares e pemes que non dispoñan de acceso á banda larga de cando menos 2Mbps, mediante outra tecnoloxía.

A Rede de Centros para a Modernización e Inclusión Tecnolóxica (CeMIT) impartiu no primeiro semestre do ano máis de 15.000 horas de formación dixital gratuíta nas 98 aulas que a integran. O número de usuarios rexistrados ata xuño superaba os 27.000, cun nivel de satisfacción dun 8,8 sobre 10 en canto á formación e aos servizos dispoñibles na rede. Con esta cifra a Rede Cemit supera, nos primeiros seis meses do ano, o obxectivo de acadar en 2013 os 25.000 usuarios.

A fenda dixital de xénero no uso de Internet en Galicia sitúase en 3,9 puntos fronte aos 5,2 da media estatal. Así, en Galicia, un 55,5% das mulleres e un 59,4% dos homes fixo uso de Internet nos últimos tres meses.

No período 2008-2012 a porcentaxe de mulleres galegas que utilizan Internet incrementouse máis de 11 puntos porcentuais, permitindo reducir a diferenza no uso de Internet entre homes e mulleres en 2,6 puntos respecto ao ano 2008. A nivel estatal, a diminución da fenda foi de 2,7 puntos durante estes catro anos.

O Programa Voluntariado Dixital, en colaboración coa Asociación de Usuarios de Software Libre da Terra de Melide (MELISA), entidade colaboradora do Programa, impartirá entre setembro e decembro obradoiros sobre tecnoloxía e software libre nos centros penitenciarios de Bonxe (Lugo), Teixeiro (A Coruña), Pereiro de Aguiar (Ourense), A Lama (Pontevedra) e os Centros de Inserción Social Carmen Avendaño de Vigo e Carmela Arias y Díaz de Rábago de A Coruña.

A Consellería de Cultura, Educación e Ordenación Universitaria promove no Gaiás a unión entre creadores e o mundo das novas tecnoloxías a través da terceira xornada do ciclo Economía e Cultura, que terá lugar o 27 de setembro na Biblioteca e Arquivo da Cidade da Cultura.

A Xunta aposta pola formación en competencias dixitais en ofimática dos empregados públicos galegos. Deste xeito, a Escola Galega da Administración Pública e a Amtega puxeron en marcha o ‘Plan formativo ofimático de Galicia’, incluído dentro do Plan estratéxico Galicia 2010-2014 e da Axenda Dixital de Galicia 2014.gal.

Desde o pasado mes de xuño o blog XD, Xente Dixital, está a difundir dun xeito ameno e sinxelo as vantaxes que a tecnoloxía achega a vida cotiá. Xente Dixital é unha iniciativa da Axencia para a Modernización Tecnolóxica de Galicia (Amtega) dirixida a todo o mundo e aberta á colaboración e as achegas dos internautas para informar, compartir coñecementos e consellos prácticos sobre a tecnoloxía