O Colexio de Enxeñeiros de Telecomunicación de Galicia (COETG) comprobará e verificará a calidade do servizo que están a ofrecer os operadores beneficiarios das axudas do Plan de Banda Larga da Xunta. É unha das medidas recollidas no convenio de colaboración asinado esta mañá en Santiago pola directora da Axencia para a Modernización Tecnolóxica de Galicia, Mar Pereira, e o decano do COETG, Ramón Bermúdez de Castro.

Co obxectivo de favorecer a visibilidade deste tipo de solucións, a Axencia para a Modernización Tecnolóxica de Galicia (Amtega), vén de publicar o Catálogo de Produtos, Servizos e Provedores de Software Libre de Galicia no portal Mancomún (http://www.mancomun.org/descargarprogramas/catalogodeswlgalego/), o espazo que recolle as iniciativas de software libre da Comunidade.

O Centro Demostrador TIC acolle esta tarde en horario de 16:00 a 20:30 o “Taller de Emprendemento TIC para o inicio de Actividades” (http://cdtic.xunta.es/emprendemento), organizado polo Colexio Profesional de Enxeñeiros Técnicos en Informática de Galicia (CPETIG), en colaboración coa Axencia para a Modernización Tecnolóxica de Galicia (Amtega).

A Xunta, a través da Axencia para a Modernización Tecnolóxica de Galicia (Amtega), vén de solicitarlle a Google a tradución ao galego do sistema operativo Android. Con esta iniciativa, que contou coa colaboración da Secretaría Xeral de Política Lingüística, búscase que este sistema operativo, baseado en software libre, estea dispoñible en galego para todos os cidadáns, independentemente do terminal que empreguen.

A Consellería de Cultura, Educación e Ordenación Universitaria vén de dar un forte impulso ás webs do Centro Autonómico de Formación e Innovación (CAFI) e mais dos Centros de Formación e Recursos (CFR) da Coruña, Ferrol, Lugo, Ourense, Pontevedra e Vigo, coa introdución de novos contidos e funcionalidades, tarefa desenvolvida en colaboración coa Axencia para a Modernización Tecnolóxica de Galicia (AMTEGA).

O presidente da Xunta, Alberto Núñez Feijóo, e o director xeral de PEMEX, Emilio Lozoya Austin, fixeron nas últimas horas seguimento da alianza estratéxica materializada na pasada lexislatura entre a Xunta de Galicia e a petroleira, nun encontro preparatorio da reunión que o titular do Goberno galego manterá o vindeiro luns co presidente mexicano, Enrique Peña Nieto.

O conselleiro de Cultura, Educación e Ordenación Universitaria, Xesús Vázquez Abad, e a directora da Axencia para a Modernización Tecnolóxica de Galicia (AMTEGA), Mar Pereira Álvarez, asinarán o vindeiro venres día 19 un convenio de colaboración co Centro de Supercomputación de Galicia, dependente da Axencia Galega da Innovación, representada polo seu director Manuel Varela Rey e polo propio director xerente do CESGA, Javier García Tobío.

A Xunta de Galicia está a avanzar nas tarefas necesarias para dispoñer dunha aplicación que permitirá localizar en tempo real todos os autobuses de transporte público regular de viaxeiros de Galicia. Con estes datos, será posible facilitar aos usuarios información acerca do tempo estimado de espera nas paradas, se se trata dun vehículo accesible, ou se realiza conexión con outros servizos, entre outros datos de interese.

A Xunta de Galicia mobilizou un investimento de 893 millóns de euros durante o período 2009-2012 no desenvolvemento das liñas de acción establecidas na Axenda Dixital 2014.gal. Este orzamento, que inclúe capital público e privado, permitiu avanzar na extensión de infraestruturas de telecomunicación na Comunidade e nos plans de modernización da Administración e da Xustiza, así como na integración das TIC na educación, no ámbito sanitario e do benestar e no impulso do sector da economía do coñecemento.

A directora da Axencia para a Modernización Tecnolóxica de Galicia (Amtega), Mar Pereira, explicou hoxe no Parlamento que a creación deste organismo en 2012 supón un fito histórico para a Administración autonómica que aposta por primeira vez por un modelo de xestión integrada das TIC.