Desde hoxe as familias galegas cunha renda per cápita igual ou inferior a 9.000 euros poderán acceder ao programa de axudas para contratar Internet nos seus fogares. Os posibles beneficiarios deberán contratar o servizo de Internet con R ou Telefónica, que son as empresas que na actualidade completaron os trámites para acadar a condición de entidades colaboradoras desta iniciativa.

Cinco Centros de Información á Muller da provincia de Lugo van incorporar un servizo de teledradución para mellorar a atención ás mulleres e vítimas de violencia de xénero inmigrantes, que ofrece sen custe a Secretaría Xeral da Igualdade. Trátase dos CIMs de Burela, Viveiro, Ribadeo, Monforte de Lemos e Palas de Rei, que contarán cun novidoso sistema de teletradución a 51 idiomas.

O Goberno galego investiu no 2011 preto de 5,5 millóns de euros na mellora e renovación do equipamento e as infraestrutura tecnolóxicas do eido xudicial. Son actuacións que se enmarcan no Plan Senda 2014 para integrar as TIC na Xustiza e das que fixeron balance esta mañá, a secretaria xeral de Modernización e Innovación Tecnolóxica, Mar Pereira e o director xeral de Xustiza, Juan José Martín.

A Secretaría Xeral de Modernización e Innovación Tecnolóxica está a mellorar o servizo de videointerpretación en lingua de signos para persoas xordas que se ofrece de xeito presencial no Rexistro Xeral da Xunta e das delegacións e a través do portal corporativo. Esta iniciativa, que se puxo en marcha en abril,  permite acceder á mesma información que se facilita a través do teléfono 012.

A Consellería de Economía e Industria, a través de BIC Galicia, promove un encontro o vindeiro 25 de xaneiro para difundir entre empresarios e emprendedores galegos solucións innovadoras sobre bioplásticos e biotecidos téxtiles, co obxectivo de facilitar a innovación e o emprendemento en Galicia.

A Xunta de Galicia porá en marcha este ano o Portal do Investidor co obxectivo de incrementar a transparencia coa cidadanía en xeral e cos investidores de débeda pública en particular, segundo anunciou hoxe o director xeral de Política Financeira e Tesouro da Consellería de Facenda, Manuel Galdo.

O servizo xurídico online para mulleres e vítimas de violencia de xénero, posto en marcha pola Secretaría Xeral da Igualdade o pasado mes de outubro, rexistrou 74 consultas no seu primeiro trimestre de funcionamento. Accesible a través da web www.igualdade.xunta.es, ten como obxectivo dar unha resposta áxil, persoal e gratuíta e salvar as reticencias que se producen en moitos casos á hora de solicitar presencialmente asesoramento sobre violencia de xénero.

O portal de Internet www.galiciaaberta.com, dependente da Secretaría Xeral da Emigración, recibiu ao longo do ano 2011 un total de 242.194 visitas, unha cifra case idéntica á do ano 2010 (no que foron 242.271, un 0’03 por cento máis). O montante global do 2011 supón unha media mensual de 20.183, e diaria de case 664.

A empresa galega Autoxuga presentará, o vindeiro xoves 12 de xaneiro, no Centro Demostrador TIC unha solución integral de xestión para axudar aos profesionais do sector de talleres de automóbiles a aumentar a productividade das súas empresas.

A sesión, que se celebrará de 10:30 a 13:30h, afondará en cuestións técnicas e prácticas nas distintas áreas a integrar: financiamento, técnica e diagnose. Dentro da área de facturación trataranse aspectos como técnicas de marketing, control de provedores, compras directas a provedores para reducir custes, control de almacén, entre outros.

A secretaria xeral de Modernización e Innovación Tecnolóxica, Mar Pereira, afirmou hoxe que a creación por parte da Xunta dunha rede de emerxencias propia “é un proxecto estratéxico que responde a unha necesidade real”. Un proxecto “que é posible, no contexto económico actual, grazas a unha eficiente xestión dos recursos e á sinerxía dos investimentos con outros proxectos como o Plan de Banda Larga 2010-2013 e o despregamento das Redes de Televisión Dixital Terrestre”.