A Consellería de Cultura, Educación e Ordenación Universitaria volve dar un impulso á formación dos docentes galegos no uso e posibilidades didácticas das novas tecnoloxías da información e comunicación a través da I Xornada de Coordinadores e Coordinadores do proxecto Abalar. Este encontro, organizado polo Centro Autonómico de Formación e Innovación (CAFI) reúne hoxe no Pazo de Congresos de Santiago de Compostela a máis de 300 profesoras e profesores.

O conselleiro de Cultura, Educación e Ordenación Universitaria, Xesús Vázquez Abad, e a directora da Axencia para a Modernización Tecnolóxica de Galicia (AMTEGA), Mar Pereira Álvarez, asinaron esta mañá en San Caetano un convenio de colaboración co Centro de Supercomputación de Galicia, dependente da Axencia Galega da Innovación, representada polo seu director Manuel Varela Rey e polo propio director xerente do CESGA, Javier García Tobío.

A Xunta publica hoxe a licitación da contratación do servizo de impresión para as sedes xudiciais da Administración de Xustiza en Galicia, da área de Presidencia da Xunta e da Vicepresidencia e Consellería de Administracións Públicas e Xustiza. Este modelo de xestión substitúe o sistema de adquisición por compra polo de arrendamento, conseguindo un aforro anual de 392.000 euros en gastos de impresión e mellorando a prestación do servizo.

En 3 de cada 4 fogares galegos onde reside un rapaz en idade escolar se usan as TIC, superando en máis de 20 puntos as porcentaxes que se rexistran en fogares sen nenos. Este dato, recollido no último Informe sobre a Sociedade da Información en Galicia 2012, pon de manifesto que a presenza de mozos nos fogares inflúe de xeito positivo na penetración da tecnoloxía. Por iso, un dos estudos específicos que realizará o Observatorio da Sociedade da Información e a Modernización de Galicia (OSIMGA) este ano se centrará en analizar este aspecto en profundidade.

A secretaria xeral da Igualdade, Susana López Abella, e a directora da Axencia para a Modernización Tecnolóxica de Galicia, Mar Pereira, interviñeron hoxe no acto de celebración do ‘Día Internacional das Rapazas nas TIC’, organizado polo Centro de Supercomputación de Galicia (CESGA), dependente da Axencia Galega de Innovación e no que tamén participou o seu director, Manuel Varela.

A Comisión Europea vén de anunciar que o Programa de Voluntariado Dixital da Xunta será obxecto dun seminario Peer Review a nivel europeo como exemplo de boa práctica en materia de inclusión social a través das TIC.

A Axencia para a Modernización Tecnolóxica de Galicia (Amtega) completou a implantación de redes de nova xeración con 100 Mbps de velocidade en 6 centros educativos das provincias de Coruña, Pontevedra e Ourense, que se suman aos 193 centros aos que xa se lles facilitara o acceso a esta tecnoloxía no último ano.

A mellora destas infraestruturas de telecomunicación posibilita, ademais do incremento da velocidade de conexión, o acceso simultáneo dun maior número de usuarios e a posibilidade de traballar cun maior número de aplicacións informáticas.

“Santa Comba na Memoria” é unha web para o recordo e un repaso a historia do século XX do municipio xalleiro, que desde hoxe está accesible na dirección http://www.santacombanamemoria.es. Esta iniciativa foi posible grazas ao traballo dun voluntario do Programa de Voluntariado dixital da Axencia para a Modernización Tecnolóxica de Galicia, en estreita colaboración co concello e coa imprescindible achega dos veciños e as empresas do municipio.

A Axencia para a Modernización Tecnolóxica de Galicia vén de presentar a candidatura da Rede de Aulas para a Modernización e Inclusión Tecnolóxica (CeMIT) aos Premios de Internet 2013, organizados pola plataformawww.diadeinternet.org e que teñen por obxectivo recoñecer aquelas Iniciativas, persoas ou organizacións que máis se destacaron, no último ano, no bo uso de Internet e as TIC na súa respectiva categoría.

A Consellería do Medio Rural e do Mar destina 546.000 euros aos proxectos dinamizadores das áreas rurais de Galicia promovidos por microempresas para o uso das Tecnoloxías da Información e as Comunicacións (TIC) para o periodo 2013.