A Axencia para a Modernización Tecnolóxica de Galicia (Amtega) e o Instituto Galego de Estatística (IGE) asinaron un convenio de colaboración para optimizar a recollida dos datos relativos á Sociedade da Información nos fogares e nas empresas de Galicia.

Ata agora era o Observatorio para a Sociedade da Información e a Modernización de Galicia (OSIMGA), adscrito á Amtega, o que recompilaba estes datos realizando as súas propias enquisas sobre a penetración e a evolución das TIC en fogares e empresas da Comunidade.

Un total de cento trece persoas participan no concurso sobre Produción Audiovisual organizado pola Rede de Centros para a Modernización e Inclusión Tecnolóxica de Galicia (CeMIT), no marco do Plan de Dinamización 2012. O concurso ten como obxectivo recoñecer os mellores traballos desenvolvidos polos alumnos durante o curso sobre Produción Audiovisual que se desenvolveu dende o pasado mes de outubro nas aulas da Rede CeMIT.

A práctica totalidade das empresas galegas de 10 ou máis traballadores e tres de cada catro microempresas dispoñen de conexión a Internet contratada. Este último segmento empresarial experimentou un crecemento do 17,6% no período 2010-2012, evolucionando dunha porcentaxe do 63,8% no ano 2010 ao 75% en 2012. En ambos casos o crecemento supera a media estatal e é especialmente significativo no caso das microempresas, está dez puntos pro riba do ao conxunto do Estado.

O programa de voluntariado dixital da Xunta promove a celebración do seminario “A Busca de Emprego a través das redes sociais”. A xornada, que se celebra mañá, xoves 15 de novembro, será impartida por profesionais da empresa tecnolóxica Ednon, mecenas dixital do programa, a persoas con discapacidade en situación de desemprego pertencentes á Confederación Galega de Persoas con Discapacidade, COGAMI, organismo colaborador da iniciativa.

O delegado territorial da Xunta de Galicia en Ourense, Rogelio Martínez, acompañado do xefe territorial da Consellería de Traballo e Benestar, José Selas, mantivo esta mañá un encontro co director do Centro Sociocomunitario de Ourense-centro, Xosé Manuel Aldemira, co obxectivo de supervisar a renovación do mobililiario e do equipamento informático que esta semana se levou a cabo neste centro social dedicado ás persoas maiores.

Un total de 36 aulas da Rede CeMIT acollerán desde o vindeiro luns 19 de novembro e ata o 4 de decembro unha actividade sobre Creación Multimedia e Web 2.0, no marco do seu Plan de Dinamización 2012. Na metade das sedes o curso terá lugar de mañá, de 10:00 a 14:00 horas, e nas outras de tarde, de 16:00 a 20:00 horas.

A Xunta de Galicia publicou esta semana no seu portal Abert@s, http://abertos.xunta.es, os resultados definitivos das eleccións ao Parlamento galego do pasado 21 de outubro. Así as empresas e cidadáns que o desexen poden acceder a esta información en formatos abertos, o que lles permite reutilizalos e crear posibles aplicacións e prestacións.

No período 2010-2012, duplicouse a porcentaxe de microempresas con velocidade superior a 10 Mbps e aumentou un 33,6% nas empresas de 10 e máis empregados. Son datos que se recollen no informe temático “Indicadores de Banda Larga”, publicado hoxe polo Observatorio da Sociedade da Información e a Modernización de Galicia (OSIMGA), adscrito á Axencia para a Modernización Tecnolóxica de Galicia (Amtega). Este estudo amplía os datos incluídos no “Diagnóstico ás Empresas sobre a Sociedade da Información en Galicia. Edición 2012”, recentemente publicado polo OSIMGA.

Preto dun centenar de empresarios e emprendedores participaron durante os meses de outubro e novembro nun programa formativo destinado á integración TIC das pequenas e medianas empresas da Comunidade. Esta iniciativa, desenvolveuse no Centro Demostrador TIC de Galicia grazas á colaboración entre Red.es, entidade dependente do Ministerio de Industria, Enerxía e Turismo, e a Xunta de Galicia, a través da Axencia para a Modernización Tecnolóxica de Galicia.

O Centro de Proceso de Datos da Xunta foi recoñecido pola Fundación Dintel co premio “Mellores Proxectos Data Centers 2012” como unha das mellores iniciativas tecnolóxicas neste eido a nivel estatal. A directora da Axencia para a Modernización Tecnolóxica de Galicia, Mar Pereira, foi a encargada de recoller hoxe en Madrid o galardón tras clausurar o Congreso Data Centers 2012, organizado por Dintel e no que se abordaron os retos destas infraestruturas tecnolóxicas chave para as iniciativas TIC das entidades públicas e privadas.