O Programa de Voluntariado Dixital da Xunta celebra hoxe o seminario “Internet móbil para persoas maiores”. Na xornada, que será impartida por profesionais da empresa tecnolóxica Everis, mecenas dixital do programa, participan 100 persoas maiores usuarias da Aulas da terceira idade da Asociación Cultural Galega de Formación Permanente de Adultos, ATEGAL, organismo colaborador da iniciativa.

O Consello da Xunta deu hoxe o visto e prace á Lei do taxi e á Lei de impulso e ordenación das telecomunicacións -aprobadas no primeiro semestre de 2012- para iniciar o seu trámite parlamentario, logo da interrupción da súa tramitación pola disolución do órgano lexislativo.

O Programa de Voluntariado Dixital da Xunta celebra hoxe a Xornada “Identidade Dixital e Busca de Emprego 2.0” na que participan 40 voluntarios dos Espazos de Busca Activa de Emprego da Cruz Vermella.

Os Espazos de Busca Activa de Emprego (EBAE) son lugares de busca laboral equipados cos medios técnicos para preparar a candidatura a unha oferta de traballo, subscribirse a ela e facer un seguimento desta. O espazo está dinamizado por voluntariado de Cruz Vermella, que acompaña os usuarios e usuarias en todo o seu proceso de integración sociolaboral.

O operador público Retegal, dependente da Axencia para a Modernización Tecnolóxica de Galicia (Amtega), é unha das catro empresas que participa no proxecto GREEN, que ten como obxectivo conseguir que a rede dun operador de telecomunicacións sexa moito máis eficiente, reducindo o consumo enerxético dos equipos empregados e optimizando o uso do espectro radioeléctrico, conseguindo así un importante aforro de custos na prestación de servizos do operador.

A nova campaña de concienciación dos mozos sobre o consumo de alcohol realízase por primeira vez en Galicia a través do Tuenti, considerado o medio máis empregado por este sector da poboación. Cocos ao 100% é o nome desta campaña que ten como obxectivos primordiais falar directamente cos mozos galegos empregando os seus códigos, coñecer as súas inquedanzas de primeira man, escoitalos e responder as súas dúbidas, e explicarlles como é de prexudicial consumir alcohol nesta etapa da súa vida.

A directora da Axencia para a Modernización Tecnolóxica de Galicia, Mar Pereira, inaugurou esta mañá a I Xornada de Boas Prácticas para a Inclusión Social. Trátase dunha iniciativa do Programa de Voluntariado Dixital da Xunta para dar a coñecer ás entidades de acción social da Comunidade solucións tecnolóxicas do ámbito social desenvolvidas por empresas TIC Galegas.

Un total de 676 familias e empresas solicitaron no prazo dun mes ás axudas da Xunta para contratar o servizo de conexión a internet vía satélite. Esta actuación corresponde á sexta e última liña do Plan de Banda Larga da Xunta e está destinada ás zonas da Comunidade máis illadas, dispersas e de orografía complicada, onde o acceso a Internet só é posible vía satélite. Estas axudas convocaranse de novo en 2013 e 2014.

A Rede de Centros para a Modernización e Inclusión Tecnolóxica (CeMIT) impartiu este ano máis de 38.000 horas de formación dixital gratuíta, o dobre que 2011. Ademais, en 2012 duplicáronse os usuarios rexistrados do ano anterior superando os 21.000. Estes datos sitúan a Rede CeMIT como a iniciativa co maior número de usuarios fóra da educación regrada e cun nivel de satisfacción dun 8,75% sobre 10.

O Centro Demostrador TIC (CDTIC), que ten como obxectivo amosar aos sectores produtivos como as novas tecnoloxías poden mellorar a súa competitividade, acolleu durante este ano 2012 dezasete sesións demostradoras nas que participaron máis de 250 empresas dos sectores agroalimentario, sociosanitario, de comercio, do ensino e da automoción. Os asistentes puideron coñecer de primeira man máis de trinta solucións tecnolóxicas específicas que o sector TIC galego pon ao seu servizo.

A Axencia para a Modernización Tecnolóxica de Galicia (Amtega) está a colaborar co Instituto de Estudos Turísticos de Galicia (IETG)  para liberar dúas aplicacións desenvolvidas este ano por este organismo e que están a  ter una gran acollida entre o sector tanto en Galicia como no resto do Estado. Tratase da  aplicación de xestión de establecemento hostaleiros e do aplicativos de captura e explotación de datos de índole turística en tempo real.