Preto dun centenar de empresarios e emprendedores participaron durante os meses de outubro e novembro nun programa formativo destinado á integración TIC das pequenas e medianas empresas da Comunidade. Esta iniciativa, desenvolveuse no Centro Demostrador TIC de Galicia grazas á colaboración entre Red.es, entidade dependente do Ministerio de Industria, Enerxía e Turismo, e a Xunta de Galicia, a través da Axencia para a Modernización Tecnolóxica de Galicia.

O Centro de Proceso de Datos da Xunta foi recoñecido pola Fundación Dintel co premio “Mellores Proxectos Data Centers 2012” como unha das mellores iniciativas tecnolóxicas neste eido a nivel estatal. A directora da Axencia para a Modernización Tecnolóxica de Galicia, Mar Pereira, foi a encargada de recoller hoxe en Madrid o galardón tras clausurar o Congreso Data Centers 2012, organizado por Dintel e no que se abordaron os retos destas infraestruturas tecnolóxicas chave para as iniciativas TIC das entidades públicas e privadas.

A concentración de servizos e organismos da Xunta na Cidade da Cultura xa está a dar os seus froitos, ao permitir acceder a tarifas de enerxía máis baixas e a contratos de limpeza e mantemento en condicións economicamente máis vantaxosas. Grazas a este tipo de decisións, a Consellería de Cultura, Educación e Ordenación Universitaria puido avanzar no programa de aforro e optimización de recursos do Gaiás.

O Centro Demostrador TIC de Galicia acollerá a próxima semana un ciclo de Talleres de Capacitación sobre Realidade Virtual para PEMES organizado pola entidade pública Red.es (www.red.es) do Ministerio de Industria, Enerxía e Turismo en colaboración coa Axencia Galega para a Modernización Tecnolóxica de Galicia (AMTEGA).

Xesús Vázquez Abad, acompañado da directora da Axencia para a Modernización Tecnolóxica de Galicia, Mar Pereira, asistiu á entrega de premios da IV edición da Noite da Enxeñaría en Informática de Galicia.

A Xunta de Galicia -por medio da Consellería de Cultura, Educación e Ordenación Universitaria, da Dirección Xeral de Xustiza, da Dirección Xeral de Administración Local e mais da Escola Galega de Administración Pública (EGAP)- está a desenvolver desde setembro ata decembro 21 cursos en liña de linguaxe administrativa e xurídica, nos que participan 630 alumnos/as, que teñen como obxectivo seguir capacitando en lingua galega o persoal ao servizo das administracións públicas.

A plataforma web da Televisión Dixital Terrestre da Xunta (www.tdtgalicia.es) está a ser actualizada coa incorporación de novas funcionalidades e unha xestión de contidos máis áxil e atractiva para o usuario. Está previsto que ao final da xornada de hoxe todos os servizos do portal público estean en funcionamento co novo formato. Os traballos de mellora deste site que aglutina a información oficial da Xunta de Galicia sobre a TDT tamén afectan á aplicación para smartphones, iTera, e ao servizo Webgis da TDT.

A provincia da Coruña xa conta con un total de 20 iniciativas de emprendemento xuvenil para formar parte do proxecto Yuzz, impulsado pola Fundación Banesto coa colaboración da Consellería de Traballo e Benestar. Esta iniciativa, dirixida á xuventude entre os 18 e os 30 anos, ten como obxectivo estimular ideas innovadoras de base tecnolóxica que poidan ser susceptibles de traducirse nun proxecto empresarial.

A directora da Axencia para a Modernización Tecnolóxica de Galicia (Amtega), Mar Pereira, e o secretario xeral de Medios da Xunta de Galicia, Alfonso Cabaleiro, xunto co alcalde de Ribeira, Manuel Ruiz Rivas, inauguraron hoxe a nova aula CeMIT deste concello. No acto estivo presente tamén o alcalde de Boiro Juan José Dieste Ortigueira, quen a través de videoconferencia desde a aula CeMIT do seu municipio deu a benvida á Rede ao novo centro.

A Axencia para a Modernización Tecnolóxica de Galicia (Amtega) celebrou esta mañá a Xornada “Uso das Redes Sociais e a web 2.0 na entidades de Acción Social”. A iniciativa, que se enmarca no Programa de Voluntariado Dixital, busca axudar a integrar esta forma de comunicación na estratexia xeral de marketing 2.0 das entidades sociais adheridas ao Programa.