As aulas CeMIT de vinte e catro localidades galegas acollerán a partir do vindeiro luns unha actividade sobre posicionamento web,  de 15 horas, na que se analizarán as ferramentas e técnicas máis empregadas para mellorar a posición dunha web. Esta actividade, na que participan duascentas trinta e seis persoas, forma parte do Programa de Dinamización 2012 da Rede de Centros para a Modernización e Inclusión Tecnolóxica de Galicia (CeMIT).

O Encontro Dixital Xuventude Galicia Net que organizou ao longo deste fin de semana en Santiago a Dirección Xeral de Xuventude pechou un ano máis as súas portas cun balance “moi positivo”. Entre o venres e hoxe mesmo pasaron polas instalacións desta iniciativa, no Pazo de Congresos e Exposicións, máis de 7.000 persoas. A esta cifra súmanse os máis de 1.000 mozos e mozas que se inscribiron para participar durante os 3 días na intranet.

A directora da Axencia para a Modernización Tecnolóxica de Galicia (Amtega), Mar Pereira, sinalou esta mañá que o Goberno galego vén desenvolvendo un conxunto de medidas a través da Axenda Dixital 2014.gal para avanzar cara unha Administración electrónica capaz de ofrecer a cidadáns e empresas uns servizos eficientes e próximos mediante o emprego das tecnoloxías da información.

Susana López Abella presentou esta mañá en rolda de prensa o proxecto de comunicación da Secretaría Xeral da Igualdade en redes sociais, que a partires de hoxe está presente en facebook, tuenti e twitter.

Igualdadenarede. Baixo ese slogan, a secretaría xeral adéntrase nas redes sociais, como continuación dunha primeira fase realizada en facebook e tuenti no marco da campaña do día 8 de marzo Sen mulleres non hai Galicia.

O Centro Demostrador TIC de Galicia acolle mañá xoves o obradoiro sobre “Aplicacións para smartphones e redes sociais, no que se ofrecerá ás pemes do sector tecnolóxico información sobre o negocio das aplicacións para teléfonos intelixentes (smartphones) e para diferentes redes sociais que operan en Internet.

A delegada territorial da Xunta, Raquel Arias, visitou hoxe o polígono empresarial de Barreiros, onde tivo oportunidade de comprobar o funcionamento das novas aplicacións informáticas, incluído o servizo de xeolocalización a través de teléfonos móbiles, subvencionadas pola Consellería de Economía e Industria.

Este proxecto, proposto polo concello de Barreiros e subvencionado pola Xunta con 13.830 euros, consiste no desenvolvemento dun portal web con compoñente xeográfica e visualización de datos a través de dispositivos móbiles.

O Plan de Software Libre 2012 da Xunta conta cun investimento de 915.000 euros para o desenvolvemento de 120 actuacións dirixidas a impulsar o uso do software libre e código de fontes abertas (Floss) no sector empresarial, na sociedade en xeral e na Administración. O Plan desenvólvese en colaboración coas asociacións galegas de usuarios de software libre (AGUSL), das empresas do sector (AGASOL), coa Comisión Interuniversitaria de Galicia (que integra as tres universidades) e do Colexio Profesional de Enxeñaría Informática de Galicia.

As aulas CeMIT de vinte localidades galegas acollerán a partir do vindeiro luns unha actividade sobre televisión en internet, de 15 horas, na que se analizarán as ferramentas e técnicas máis empregadas na distribución de contidos audiovisuais na rede. Esta actividade, na que participan cento cincuenta e seis persoas, forma parte do Programa de Dinamización 2012 da Rede de Centros para a Modernización e Inclusión Tecnolóxica de Galicia (CeMIT).

O simulador de compras do Instituto Galego de Consumo será a ferramenta utilizada este ano nas 98 aulas da Rede de Centros para a Modernización e Inclusión Tecnolóxica (CeMIT) no marco dun programa formativo sobre consumo e comercio electrónico dirixido de maneira especial a consumidores, comerciantes e profesorado e que se iniciará antes do verán. Así se recolle nun protocolo de colaboración asinado esta mañá entre a presidenta do Instituto Galego de Consumo, Nava Castro, e a directora da Axencia para a Modernización Tecnolóxica de Galicia, Mar Pereira.

A directora da Axencia para Modernización Tecnolóxica, Amtega) de Galicia, Mar Pereira, participou esta mañá no acto organizado polo Colexio de Enxeñeiros de Telecomunicacións de Galicia (COETG) con motivo do Día Internacional das Telecomunicacións e da Sociedade da Información, que se celebra o 17 de maio e que este ano está dedicado ás “Mulleres e as Nenas nas TIC”.