No marco do Programa TIC Emprende, a Consellería de Economía e Industria vai poñer en marcha, a partir do próximo 28 de maio e a través de BIC Galicia, unha nova serie de obradoiros prácticos que pretenden contribuír á implantación efectiva de procesos de mellora nas novas empresas tecnolóxicas galegas, a través do emprego de novas técnicas e ferramentas de xestión empresarial que conduzan a súa consolidación e a un incremento significativo da súa competitividade.

O Goberno galego mobilizou no período 2009-2011 anos un total de 660 millóns euros, entre capital público e privado, nas liñas de actuación estratéxicas da Axenda Dixital 2014.gal, a estratexia tecnolóxica global da Xunta. Este investimento conseguiu diminuír nun 60% a poboación sen acceso a internet na Comunidade, mellorar os servizos públicos galegos grazas a integración das TIC na Administración e contribuír a impulsar o sector da economía do coñecemento como elemento clave para incrementar a produtividade das empresas galegas.

Como saberedes, nesta fase final participan 22 curtas realizadas por alumnos e alumnas de diversos centros educativos e IES da nosa comunidade e teñen en común o plasmar, cunha gran creatividade e ilusión, as funcionalidades que ofrecen a rede de aulas CeMIT así como as vantaxes das novas tecnoloxías e o seu impacto na vida cotidiá.
 
Agora depende de vos escoller por votación directa a través do facebook, mediante o sistema “Gústame”  as  mellores curtas que optarán os premios establecidos ao efecto.
 

A conselleira de Traballo e Benestar, Beatriz Mato, inaugurou hoxe a XIII edición de ‘Xuventude Galicia Net’ coa apertura das portas no Pazo de Congresos e Exposicións de Santiago que durante tres días acollerá a maior ‘Lan party’ de Galicia, na que participarán 1.000 mozos e mozas de toda España, aos que se sumarán máis de 5.000 mozos e mozas que participarán nas actividades de balde.

O conselleiro de Economía e Industria, Javier Guerra, destacou hoxe que co impulso do Plan I2C, o investimento privado en innovación multiplicouse por dous nos últimos tres anos, pasando do 23% ao inicio da lexislatura, ata o 50% actual. Recalcou o conselleiro que isto responde ao cambio de tendencia na cultura empresarial galega, no que traballa o Goberno galego coa fin de estimular o investimento privado en innovación e de dinamizar o aproveitamento do fondo tecnolóxico europeo.

As aulas CeMIT de vinte e catro localidades galegas acollerán a partir do vindeiro luns unha actividade sobre posicionamento web,  de 15 horas, na que se analizarán as ferramentas e técnicas máis empregadas para mellorar a posición dunha web. Esta actividade, na que participan duascentas trinta e seis persoas, forma parte do Programa de Dinamización 2012 da Rede de Centros para a Modernización e Inclusión Tecnolóxica de Galicia (CeMIT).

O Encontro Dixital Xuventude Galicia Net que organizou ao longo deste fin de semana en Santiago a Dirección Xeral de Xuventude pechou un ano máis as súas portas cun balance “moi positivo”. Entre o venres e hoxe mesmo pasaron polas instalacións desta iniciativa, no Pazo de Congresos e Exposicións, máis de 7.000 persoas. A esta cifra súmanse os máis de 1.000 mozos e mozas que se inscribiron para participar durante os 3 días na intranet.

A directora da Axencia para a Modernización Tecnolóxica de Galicia (Amtega), Mar Pereira, sinalou esta mañá que o Goberno galego vén desenvolvendo un conxunto de medidas a través da Axenda Dixital 2014.gal para avanzar cara unha Administración electrónica capaz de ofrecer a cidadáns e empresas uns servizos eficientes e próximos mediante o emprego das tecnoloxías da información.