A Consellería de Cultura, Educación e Ordenación Universitaria participou hoxe na IIª xornada de novas tecnoloxías ‘Educaclic’, celebrada no Colexio Manuel Peleteiro (Santiago de Compostela). O director xeral de Educación, Formación Profesional e Innovación Educativa, José Luis Mira, representou ao departamento educativo da Xunta de Galicia nesta cita, que entronca directamente coa aposta da Consellería pola integración das novas tecnoloxías da información e a comunicación (TIC) no ensino.

O Centro Demostrador TIC de Galicia, acollerá o vindeiro xoves 31 de maio a Xornada "Boas Prácticas, Oportunidades e Estratexias para crecer coas TIC". O obxectivo da xornada é facer balance do seu primeiro ano de funcionamento e ademais achegar ás empresas galegas tendencias tecnolóxicas que posibiliten a modernización do seu negocio, a mellora do seu posicionamento na economía galega, así como a apertura a novos mercados.

A xornada ten como obxectivos:  - Ofrecer formación e debate aos responsables públicos sobre a situación e esixencias actuais e de futuro do Esquema Nacional de Interoperabilidade e da Lei de transparencia e bo goberno. - Presentar as actuacións realizadas polas AA.PP. galegas en ambas as materias. - Analizar a problemática que afecta a cada administración. - Familiarizarse coas novas normativas, os conceptos técnicos, as súas esixencias de cumprimento e as formas de responder á súa correcta aplicación.

O presidente da Xunta, Alberto Núñez Feijóo, subliñou hoxe que o Proxecto de lei de impulso e ordenación das infraestruturas e telecomunicacións de Galicia supón blindar as telecomunicacións en Galicia como “un servizo básico, igual que é un servizo básico a luz ou a auga”. Na rolda de prensa posterior ao Consello da Xunta, manifestou que se trata do “primeiro proxecto de lei de telecomunicacións de Galicia”, e que pretende ser “unha norma fundamental nun ámbito cada vez máis fundamental na vida e no traballo dos cidadáns”.

Máis de 120.000 profesionais xa teñen creado o seu expediente electrónico no Servizo Galego de Saúde, ademais esta aplicación conta con máis de 4 millóns de méritos incluídos e máis de 2 millóns de accesos sistema, tanto pola intranet como por internet. Son algúns dos datos destacados esta mañá pola directora de Recursos Humanos do Servizo Galego de Saúde, Esperanza Fernández Lago, na presentación desta plataforma –cuxo desenvolvemento iniciouse en xullo de 2011- no CHUS.

Desde principios do mes de maio tres institutos de Lugo, o IES Lucus Augusti, o IES Nosa Señora dos Ollos Grandes e o IES Leiras Pulpeiro, dispoñen dunha conexión á Internet de 100 Mbps, unha velocidade máis de 15 veces superior á que viñan gozando ata o momento.

A Consellería de Economía e Industria puxo hoxe en marcha, mediante un taller desenvolvido en Santiago, unha nova edición do Programa TIC Emprende, que ten como obxectivo presentar novas tendencias e oportunidades de negocio para as empresas TIC que contribúan a orientar os seus procesos de innovación e a afianzar o seu posicionamento no mercado.

A Asociación puntoGal presentou formalmente a candidatura do dominio .gal ante o organismo competente o Corporation for Assigned Names and Numbers (ICANN). PuntoGal leva seis anos traballando para conseguir que a cultura e a lingua galegas teñan un espazo propio na rede.

A directora da Axencia para a Modernización Tecnolóxica de Galicia (Amtega), Mar Pereira, anunciou esta mañá que a Xunta impulsará a interoperabilidade entre administracións actuando como o nodo que posibilitará a conexión entre os servizos dixitais dos concellos galegos e os do Estado para facilitar o intercambio de información e documentos entre as entidades públicas.