A Axencia para a Modernización Tecnolóxica de Galicia (Amtega), xunto co Clúster TIC de Galicia e o Clúster do Audiovisual Galego (CLAG) formalizaron esta mañá a posta en marcha de 'Viraxe TIC', un programa que busca acelerar o desenvolvemento e a competitividade do sector de contidos dixitais na Comunidade e que implica ao conxunto do hipersector TIC galego, un sector estratéxico para o crecemento económico-social da Comunidade, que representa o 2,3% do PIB  galego e emprega a máis de 19.500 persoas.

O tecido empresarial galego precisará máis de 2.900 profesionais TIC en Galicia durante o período 2016-2018. Un 54% destes perfís dixitais serán demandados por empresas do sector TIC e o 46% restante por empresas dos restantes sectores produtivos. As empresas sinalan que xa no presente ano precisarían case a metade destes perfís, arredor de 1.400 profesionais TIC especializados nas novas tendencias dixitais, para cubrir as súas necesidades.

A Axencia para a Modernización Tecnolóxica de Galicia (Amtega) presenta hoxe unha nova serie de vídeo-experiencias, nas que 12 empresas galegas expoñen o proceso e as vantaxes de incorporar solucións tecnolóxicas nos seus modelos de negocio. A iniciativa enmárcase dentro das actuacións do Centro Demostrador TIC (CDTIC) e o obxectivo é impulsar o emprego do dixital e as TIC amosando diversos casos de éxito reais de empresas de Galicia.

No primeiro semestre do ano o Centro Demostrador TIC da Amtega organizou un total de 54 actividades entre sesións demostradoras, seminarios de formación e encontros para achegar as TIC a pemes e autónomos. Máis de 260 empresas participaron no programa formativo do CDTIC ao que asistiron 1.200 persoas, 207 a través do sistema de videoconferencia das aulas CeMIT e 326 vía streaming.

A Asociación Inserta Empleo, entidade de formación e emprego da Fundación ONCE vén de adherirse como aliado dixital ao Plan de Inclusión Dixital de Galicia 2020, impulsado pola Axencia para a Modernización Tecnolóxica de Galicia (Amtega).

Os días 1 e 2 de outubro celebrarase no Pazo de Congresos de Santiago a “Maker Faire Galicia” un encontro que serve de escaparate para as invencións, a creatividade e o enxeño pensado para todos os públicos co obxectivo final de potenciar unha Galicia innovadora e colaborativa.

A sede electrónica xudicial galega estará operativa en outubro e permitirá aos cidadáns consultar o estado no que se atopan as demandas ou procesos xudiciais nos que sexan parte. Para saber en que fase se atopa o proceso o demandante só precisará identificarse na sede cun certificado dixital ou co DNI electrónico. É a primeira fase dunha sede xudicial, que irá incorporando funcionalidades progresivamente como a de iniciar online procedementos monitorios, unha fórmula xudicial para reclamar débedas, que non precisa da intervención dun avogado ou dun procurador.

A Fundación Vodafone España abre a primeira convocatoria de ‘Connecting for Good Galicia’, o programa impulsado en colaboración con Vodafone e a Xunta de Galicia, a través da Axencia para a Modernización Tecnolóxica (Amtega) e a Consellería de Economía, Emprego e Industria, para desenvolver iniciativas emprendedoras de innovación social dixital.

A contratación de Internet mediante banda larga en Galicia acada o 71,4% dos fogares, cun ritmo de crecemento superior á media estatal e europea. O crecemento porcentual de Galicia durante os años 2012-2015 foi do 34,5% fronte ao 16,6% en España e ao 11,1% na Unión Europea.

O Colexio de Enxeñaría Técnica en Informática de Galicia (CPETIG) en colaboración coa Axencia para a Modernización Tecnolóxica de Galicia (Amtega), impartirá un curso de formación en ciberseguridade os días 9, 10, 16 e 17 de setembro. Ás xornadas, que se celebran en Santiago, asistirán un grupo de 25 profesionais, que esgotaron as prazas ofertadas.