A Axencia Galicia de Infraestruturas disporá de novos sistemas tecnolóxicos e coordinados pola Axencia para a Modernización Tecnolóxica de Galicia, que permitirán unha xestión integral de todos os trámites relacionados cos estudos e proxectos, o control e o mantemento das obras de paso e noiros e a tramitación de expropiacións para a rede galega de estradas.

O informe Mulleres en Dixital: O uso das TIC desde unha perspectiva de xénero, que publica hoxe o Observatorio da Sociedade da Información e a Modernización de Galicia (OSIMGA), confirma a ausencia de fenda de xénero nesta Comunidade no ámbito da dixitalización.

Os datos indican que as diferenzas por xénero na frecuencia de uso de internet e dispositivos electrónicos en Galicia son mínimas, pero no 2023 adiantáronse as mulleres, xa que navegaron por internet o 91,7% nos tres meses previos á enquisa, fronte ao 91,3% de homes.

O Consello da Xunta aprobou hoxe autorizar a contratación do servizo de evolución de ferramentas transversais para a tramitación electrónica integral. O contrato permitirá actualizar o sistema de notificacións electrónicas (Notifica.gal), a plataforma de sinatura electrónica, o arquivo electrónico administrativo (ARPAD) e a plataforma corporativa de tramitacións (Wanda).

A sede electrónica da Xunta rexistrou en 2023 o inicio de 1.469.297 trámites, un 8,3% máis que o ano anterior. En total, 447.770 persoas (físicas ou xurídicas) empregaron esta canle o pasado ano para presentación de solicitudes, escritos ou comunicacións. Estas cifras constatan a consolidación da sede electrónica como o punto de entrada á Administración online.

A sede electrónica da Xunta rexistrou en 2023 o inicio de 1.469.297 trámites, un 8,3% máis que o ano anterior. En total, 447.770 persoas (físicas ou xurídicas) empregaron esta canle o pasado ano para presentación de solicitudes, escritos ou comunicacións. Estas cifras constatan a consolidación da sede electrónica como o punto de entrada á Administración online.

A Xunta de Galicia inicia a elaboración do Programa galego de intelixencia artificial 2025-2027 que facilitará o despregamento da futura lei para o desenvolvemento e impulso da Intelixencia artificial en Galicia. Este programa dará prioridade aos recursos con que conta a Administración neste ámbito, optimizando esforzos e promovendo sinerxías entre departamentos. O documento recollerá as medidas e actuacións previstas, tanto para incorporar a IA ás consellerías como para promover o seu uso por parte da cidadanía e do tecido empresarial.

A idade é a principal condicionante da evolución da modernización tecnolóxica nas áreas do rural de Galicia nas que, por primeira vez, a contratación de internet de banda larga superou o 90% en 2023, segundo se desprende dos datos incluídos no informe que ven de publicar o Observatorio da Sociedade da Información e Modernización de Galicia (OSIMGA).

O conselleiro de Facenda e Administración Pública, Miguel Corgos, acompañou hoxe ao alumnado do CEIP Santa Baia de Boiro nunha videoconferencia con Laponia.

Esta actividade do Nadal, na que tamén estivo o director da Axencia para a Modernización Tecnolóxica de Galicia, Julián Cerviño, forma parte das tradicionais conexións con Laponia que, entre os días 11 e 19 de decembro, realiza a Xunta.

Este ano, foron preto de 700 nenos e nenas de 20 concellos, os que participaron nesta iniciativa e tiveron a posibilidade de falar con Papá Noel, poucos días antes da Noiteboa.

A Xunta está a desenvolver esta semana obradoiros de robótica e programación para menores ingresados en centros hospitalarios do sistema público de saúde, en colaboración co Colexio Profesional de Enxeñaría en Informática de Galicia.

A Consellería de Sanidade celebrou novas sesións no Hospital Clínico de Santiago de Compostela, no Chuac e no hospital Arquitecto Marcide de Ferrol. Hoxe xoves os obradoiros teñen lugar no HULA e no hospital Álvaro Cunqueiro, mañá venres no hospital de Ourense e, despois de Reis, no hospital Provincial de Pontevedra.