A Axencia para a Modernización Tecnolóxica de Galicia, en colaboración co Banco de España, organiza unha nova edición da iniciativa Finanzas para todos, que ofrece á cidadanía coñecementos básicos e as ferramentas necesarias para manexar as súas finanzas de forma responsable e informada nunha contorna dixital.

A Rede de centros para a modernización e inclusión tecnolóxica de Galicia (CeMIT) ten rexistrados un total de 119.432 usuarios desde a posta en marcha en 2010, unha cifra que non deixou de medrar desde entón, polo que se configurou como un dos instrumentos chave da Xunta para achegar a capacitación dixital a todos os galegos e galegas. Integrada por 93 aulas, a Rede está presente en 90 concellos e 52 comarcas e acumula, cun total de 591.259 horas de formación dixital gratuítas.

A Axencia para a Modernización Tecnolóxica de Galicia (Amtega) vén de publicar o Plan de Acción en Software Libre 2025, que recolle diferentes actuacións para promover o emprego e reutilización de software libre nas administracións públicas; impulsar unha oferta de solucións libres e de calidade para o tecido empresarial, e incrementar o seu uso e coñecemento entre a cidadanía.

O Centro GaiásTech da Axencia para a Modernización Tecnolóxica de Galicia lanza unha nova actividade enmarcada nas actuacións para fomentar as vocacións femininas STEAM. O taller Ecocápsulas do Futuro: Supervivencia e Tecnoloxía nun Clima Cambiante terá lugar os días 10 e 24 de abril,  Día Internacional das Rapazas nas TIC. A apertura hoxe do prazo de inscrición coincide co Día Internacional de Muller e a Nena na Ciencia.

O Centro GaiásTech vén de sumar un novo servizo coa publicación dunha aplicación que busca incrementar a accesibilidade dos seus servizos a cidadáns e empresas. A app, que está dispoñible para Google Play e Apple Store, facilita aos usuarios a inscrición nas actividades, a reserva de espazos no centro e a participación en foros de debate enfocados nas tecnoloxías innovadoras.

A aplicación engádese aos 13 servizos que ofrece actualmente o GaiásTech e busca xerar comunidade en torno á transformación dixital a través do sistema de foros interactivos que ofrece.

A Xunta de Galicia, a través da Axencia para a Modernización Tecnolóxica, vén de asinar un novo acordo coas Comunidades de Castela e León, Andalucía, Valencia, Navarra, Estremadura e Murcia para desenvolver contidos e compartir recursos orientados á capacitación dixital da sociedade. O convenio, recolle o compromiso dos sete gobernos autonómicos de aglutinar esforzos e evitar duplicidades para facilitar o acceso de toda a cidadanía á acreditación en competencias dixitais.

A Xunta, a través da Axencia para a Modernización Tecnolóxica de Galicia, actualizou a Estratexia Galicia Dixital 2030 (EGD2030) para adaptala aos cambios normativos, estratéxicos e tecnolóxicos, tanto a nivel nacional como europeo, que se produciron desde a súa aprobación en decembro de 2020. O proceso de análise e actualización, do que foi informado hoxe o Consello da Xunta, deu como resultado unha redefinición de retos, preto dunha vintena de novas iniciativas e a ampliación dos obxectivos marcados inicialmente.

A Xunta de Galicia participou, hoxe, no IV Foro de Responsables Autonómico de Dixitalización na illa canaria da Palma, no marco do Foro de Transformación Dixital organizado polo Goberno de Canarias, en colaboración co Cabildo da Palma.

A Xunta destaca a necesidade de compartir información e colaborar como medio para potenciar a ciberseguridade e limitar as novas formas de delincuencia. Trátase de garantir a protección dos datos e a información de todos os cidadáns nunha contorna na que as tecnoloxías da información e as telecomunicacións fan o mundo máis pequeno e a implicación colectiva pode axudar a alertar de situacións perigosas.

O programa Formación Dixital, posto en marcha pola Xunta de Galicia, a través da Amtega, a Axencia para a Modernización Tecnolóxica de Galicia, suma xa máis de 1.000 inscricións entre as mulleres galegas, que escolleron esta formación para certificar as súas competencias dixitais.

O obxetivo do programa destinado a máis de 45.000 persoas a partir dos 14 anos, é impulsar a alfabetización da sociedade galega no marco da Estratexia Galicia Dixital 2030, facilitando ferramentas para que os cidadáns e cidadás consigan a capacitación dixital necesaria para desenvolverse con seguridade.