O vicepresidente da Xunta, Alfonso Rueda, destacou hoxe a importancia das medidas de protección e seguridade na Administración electrónica xudicial para garantir a identificación e autenticación dos usuarios e dos documentos.

Rueda inaugurou hoxe na Cidade da Cultura a cuarta edición das Xornadas de Informática Xudicial, organizadas polo Colexio Profesional de Enxeñaría Técnica en Informática de Galicia (CPETIG), en colaboración coa Axencia para a Modernización Tecnolóxica de Galicia (Amtega).

A directora da Axencia para a Modernización Tecnolóxica de Galicia (Amtega), Mar Pereira, sinalou hoxe, que desde o ano 2009 a Xunta traballa na mellora das infraestruturas tecnolóxicas, os sistemas de información, o equipamento e a formación dos usuarios nas novas aplicacións e sistemas.

A Xunta vén de publicar a licitación, a través da modalidade de diálogo competitivo, do Sistema de Axuda á Explotación da Mobilidade (SAE) para o transporte de viaxeiros por estrada. Este procedemento permitirá deseñar un sistema á medida do sector, que poderá definir as súas necesidades, os seus retos presentes e futuros e a súa visión do negocio co soporte e a coordinación da Administración autonómica, a través dunha modalidade de contratación innovadora, que permitirá, a través do dialogo cos licitadores, dotar ao sistema das últimas innovacións ofrecidas polo mercado.

A Xunta de Galicia, a través da Consellería de Medio Ambiente, Territorio e Infraestruturas, vén de lanzar unha nova páxina web, máis moderna e con contidos máis amplos. Coa nova ferramenta, chegarán ao público en xeral datos imprescindibles na xestión da auga, co fin de acadar a máxima protección do ciclo hidrolóxico. É dicir, agora mellorouse a organización e o acceso á información a nova dirección é: http://augas.cmati.xunta.es

Un total de 1.110 familias e empresas solicitaron este ano as axudas da Xunta para contratar o servizo de conexión a internet vía satélite. Esta actuación corresponde á última liña do Plan de Banda Larga da Xunta e está destinada ás zonas da Comunidade máis illadas, dispersas e de orografía complicada, onde o acceso a Internet só é posible a través desta tecnoloxía.

A directora da Axencia para a Modernización Tecnolóxica de Galicia (Amtega), Mar Pereira, destacou esta mañá o compromiso da Xunta, as Universidades, os centros tecnolóxicos e o Clúster TIC para situar a Galicia como rexión de referencia no ámbito tecnolóxico. Un compromiso que se reflicte, sinalou, na participación destes axentes no Programa Transformatic da Xunta.

A Consellería de Cultura, Educación e Ordenación Universitaria, en colaboración co Colexio Profesional de Enxeñería en Informática de Galicia (CPEIG) vai poñer en marcha, por quinto ano consecutivo, o programa ‘Navega con Rumbo’, enmarcado dentro do proxecto Abalar, e que ten por obxecto concienciar aos escolares galegos no uso responsable da Internet.

A Xunta conmemorou hoxe o Día Internacional da Muller Rural coa celebración dunha xornada destinada a por en valor o emprendemento feminino no medio rural e detectar os principais obstáculos das mulleres á hora de iniciar unha aventura empresarial.

Esta mañá inaugurouse na Escola Galega de Administración Pública (Egap) o l Encontro de intercambio de experiencias entre profesionais, unha iniciativa organizada pola Secretaría Xeral da Igualdade baixo o título de ‘A muller rural. Os retos: emprendemento, conciliación e corresponsabilidade’.

Os avogados, procuradores e outros axentes xurídicos da Comunidade poderán presentar demandas de xeito electrónico ou incorporar documentación a un procedemento en marcha a través do sistema Lexnet. A Xunta porá en marcha a primeiros de novembro esta nova funcionalidade en órganos xudiciais das provincias de A Coruña e Pontevedra e implantarase de xeito progresivo en Ourense e Lugo.

A Axencia para a Modernización Tecnolóxica de Galicia (Amtega), coa colaboración de Fundetec, convoca o "Primeiro Concurso 'Faite Dixit@l!' de Aplicacións para Móbil”. O certame, que se enmarca dentro da iniciativa de capacitación tecnolóxica Faite Dixit@l, busca recoñecer a creatividade na elaboración de ferramentas tecnolóxicas que melloren a dispoñibilidade de recursos para a cidadanía e fomentar o uso da tecnoloxía de código aberto.