O Centro Demostrador TIC, que xestiona a Axencia para a Modernización Tecnolóxica de Galicia (Amtega), acollerá nas súas instalacións o día 21 de maio o seminario “Potencia a web do teu establecemento turístico e convértea no teu mellor comercial” (https://cdtic.xunta.es/potencia-a-web) que se desenvolverá en horario de 16.00 a 20.00 horas.

Un 69,1% dos fogares de Galicia están conectados á Rede mediante banda larga, un 8% máis que en 2013, o que sitúa á Comunidade a catro puntos da media estatal. Os últimos datos do INE sobre equipamento e uso das tecnoloxías da información e comunicación nos fogares en 2014 constatan que nos últimos catro anos se incrementaron en preto dun 50% os fogares galegos que contan co servizo de banda larga contratado. En 2010, ano no que arrancaba o Plan de Banda Larga da Xunta, a porcentaxe de fogares con internet contratado era do 46,5%.

Neste Día Mundial das Telecomunicacións e da Sociedade da Información, Galicia festexa a xornada por partida dobre, é o día da cultura galega e o día da rede de redes. Unha data para conmemorar, facer balance e sinalar novas metas.

Hai un ano anunciabamos que o 25 de xullo se activarían os primeiros dominios .gal. Tras oito anos de traballo, Galicia tiña por fin nome propio na rede. Una iniciativa que contou co apoio da Xunta no marco das actuacións da primeira Axenda Dixital de Galicia, aprobada catro anos antes cun nome que resultou premonitorio: 2014.gal.

A Axencia de Modernización Tecnolóxica de Galicia, (Amtega), en colaboración coa Asociación Clúster do Naval Galego, vén de celebrar, no marco do Proxecto STAMAR, dous workshops de divulgación e transferencia tecnolóxica orientados ao eido naval.

Os pasados día 14 e 15 de maio arredor de 30 empresas do sector tiveron a oportunidade de coñecer as últimas innovacións – potencialmente aplicables a súa área – dispoñibles en Galicia. Os workshops foron organizados en Vigo e Ferrol, cidades nas que se concentran os dous focos de produción naval da Comunidade.

O Consello de Administración do operador público Retegal, dependente da Axencia para a Modernización Tecnolóxica de Galicia (Amtega) vén de nomear como director xerente a Miguel Rodríguez Quelle, licenciado en Enxeñaría de Telecomunicacións pola Universidade de Vigo, na especialidade de Telemática, e Máster en Bussines Administration pola Escola de Negocios de Caixa Galicia.

A Axencia para a Modernización Tecnolóxica de Galicia (Amtega), en colaboración co Colexio Profesional de Enxeñaría en Informática de Galicia (CPEIG), organizan para o vindeiro luns 25 a xornada Faite profesional dixital dos contidos dixitais. O encontro, enmarcado na campaña de divulgación e difusión de novos perfís profesionais na era dixital 1 mes, 1 profesión dixital, desenvolverase na Cidade da Cultura de Galicia, en Santiago de Compostela.

O conselleiro de Economía e Industria, Francisco Conde, destacou hoxe que a nova app de realidade virtual do Mercado de Santiago contribuirá a reforzar aínda máis o atractivo turístico desta infraestrutura tras a súa remodelación. Realizada polo CIS Galicia, que ten entre os seus obxectivos achegar estas tecnoloxías aos sectores estratéxicos da economía galega, a ferramenta presentada hoxe, coincidindo coa campaña Quere o teu mercado, permite realizar un paseo virtual pola praza e percorrer os seus recunchos desde calquera dispositivo Android.

Este xoves, 28 de maio, o Centro Demostrador TIC, que xestiona a Axencia para a Modernización Tecnolóxica de Galicia (Amtega), acollerá o seminario “Como crear unha app e non morrer no intento: que cousas debo coñecer e erros frecuentes” (https://cdtic.xunta.es/crear-app), que se desenvolverá en horario de 17.00 a 19.00 horas.

A Axencia para a Modernización Tecnolóxica de Galicia (Amtega) convoca un ano máis o Premio ao Mellor Proxecto Universitario con Licenza Libre, que vai xa pola súa VIII edición. O premio está dotado con 2.250 euros, repartidos nun primeiro premio de 1.500€ e a posibilidade de outorgar un segundo premio de 750€, se o xurado o considera adecuado pola calidade dos proxectos presentados.

O conselleiro de Economía e Industria, Francisco Conde, salientou hoxe que a mobilización de 200 millóns de euros en apoios da Xunta ás TICs durante os últimos anos teñen colocado ao sector como columna vertebral da implantación da Industria 4.0 en Galicia.