A Axencia para a Modernización Tecnolóxica de Galicia (Amtega), en colaboración coa Federación Galega de Municipios e Provincias (Fegamp), celebra o vindeiro luns, 16 de marzo, o I Encontro para o Desenvolvemento da Administración Electrónica, “Un compromiso conxunto cara os cidadáns”.

O obxectivo da xornada é poñer en común as liñas de colaboración da Administración autonómica coas entidades locais para a implantación da Administración electrónica, avanzar novas medidas e abrir un foro de debate sobre temáticas de interese e actualidade neste eido.

O 35,2% das microempresas galegas e o 38,5% das grandes empresas con actividade en Galicia empregan as redes sociais, en ambos casos superan a media estatal. As empresas galegas superan ao conxunto do estado no uso de servizos online coa administración.

Galicia conta con 205.519 empresas; das que o 95,8% son microempresas (con menos de 10 traballadores). As tres cuartas partes do tecido empresarial galego está distribuído no Eixo Atlántico dado que o 74,2% das empresas galegas se sitúan nas provincias da Coruña e Pontevedra (40,9% na Coruña e 33,3% en Pontevedra).

O presidente do Goberno galego, Alberto Núñez Feijóo, afirmou hoxe que o Plan de Administración e Goberno dixitais, Horizonte 2020 culminará a dixitalización dos servizos da Xunta a prol dunha administración sen duplicidades, transparente, aberta e flexible. Non en van, aseverou que este plan prestará soporte loxístico a dúas importantes iniciativas de impulso democrático: a Lei de garantía de calidade dos servizos públicos, aprobada no Parlamento, e a Lei de transparencia e bo goberno, en tramitación.

O presidente do Goberno galego, Alberto Núñez Feijóo, afirmou hoxe que o Plan de Administración e Goberno dixitais, Horizonte 2020 culminará a dixitalización dos servizos da Xunta a prol dunha administración sen duplicidades, transparente, aberta e flexible. Non en van, aseverou que este plan prestará soporte loxístico a dúas importantes iniciativas de impulso democrático: a Lei de garantía de calidade dos servizos públicos, aprobada no Parlamento, e a Lei de transparencia e bo goberno, en tramitación.

O director da Axencia Galega de Innovación (Gain), Manuel Varela, destacou hoxe o proxecto Lifeseeker, desenvolvido por Gradiant e a empresa Centum, como “exemplo da capacidade innovadora da colaboración público-privada en Galicia”. Varela subliñou que a Xunta apoia a través do fondo i2C a comercialización deste produto, capaz de detectar, mesmo en zonas sen cobertura, móbiles de persoas perdidas en lugares de difícil acceso como zonas de montaña ou devastadas e transmitir a súa ubicación exacta aos equipos de busca e rescate.

A Consellería do Medio Rural e do Mar destina 4 millóns de euros ao fomento do emprego de maquinaria agrícola en réxime asociativo. O Diario Oficial de Galicia (DOG) publicou este luns as bases reguladoras destas subvencións e a convocatoria para este ano. O importe das achegas será cofinanciado con fondos Feader, do Ministerio de Agricultura, Alimentación e Medio Ambiente e da Xunta de Galicia.

Así o anunciou a titular deste Departamento, Rosa Quintana, tras visitar a Sociedade Agraria de Transformación (SAT) San Vicente de Niveiro, situada no concello coruñés de Val do Dubra.

A Axencia para a Modernización Tecnolóxica de Galicia (Amtega), en colaboración con Fundetec, presenta o vindeiro martes 24 de marzo o proxecto “CeMIT-Innova: Fomento da innovación social dixital”, nunha xornada que terá lugar a partir das 9:30 horas da mañá, no auditorio da Biblioteca da Cidade da Cultura.

O Centro Demostrador TIC, que xestiona a Axencia para a Modernización Tecnolóxica de Galicia (Amtega), acollerá este xoves nas súas instalacións unha xornada de presentación das iniciativas Autotic e Controlbox (https://cdtic.xunta.es/xornada-tic-aei). Trátase de dous proxectos incluídos no Plan estratéxico do Clúster TIC Galicia e cofinanciados polo Ministerio de Industria, Enerxía e Turismo, a través do programa de apoio ás agrupacións empresariais innovadoras (AEI), e polos fondos Feder.

A Axencia para a Modernización Tecnolóxica de Galicia (Amtega), en colaboración con Fundetec, presentou hoxe en Santiago o proxecto “CeMIT-Innova: Fomento da innovación social dixital” no marco dunha xornada formativa para os axentes implicados.

No encontro, inaugurado pola directora da Amtega, Mar Pereira, explicóuselles aos responsables das aulas CeMIT os obxectivos e as fases desta iniciativa, que busca sentar as bases para a implantación en Galicia da Innovación Social Dixital co soporte da Rede de Aulas CeMIT.

A directora da Axencia para a Modernización Tecnolóxica de Galicia (Amtega), Mar Pereira, acompañada do director xeral de Educación, Formación Profesional e Innovación Educativa, Manuel Corredoira, entregou hoxe o primeiro e o segundo premio do concurso ‘Curtas co Móbil da Axenda Dixital de Galicia 2020’ aos alumnos do IES Perdouro de Burela e do IES de Cacheiras do Concello de Teo, respectivamente.