Do Goberno electrónico ao Goberno Aberto

Xerar maior valor á sociedade mediante un uso innovador das TIC que permita á Administración galega facer partícipe á sociedade na definición e execución das solucións que precisa.

Da xeración de datos á xeración de coñecemento

Transformar os datos da Administración nun activo xerador de valor que dea lugar a máis oportunidades de negocio, un aumento da dispoñibilidade de coñecementos e sirva ademais, de estímulo para a investigación e innovación.

Da transformación interna ao crecemento interoperable

Impulsar un novo paradigma de relación entre as administracións públicas que sirva de marco para a prestación de servizos públicos dixitais á cidadanía, dun xeito único en calquera punto do territorio e maximizando o aproveitamento dos recursos e capacidades públicas.

De servizos electrónicos a servizos móbiles dixitais

Aumentar a inmediatez e a capacidade de resposta do goberno galego e incentivar unha sociedade máis conectada a través da promoción de novos servizos dixitais móbiles.

Da preservación á accesibilidade dixital do patrimonio cultural

Facer do patrimonio cultural un elemento tractor da dinamización económica e turística utilizando as TIC para conservar, difundir e valorizar o noso legado histórico, patrimonial e cultural grazas á accesibilidade dixital.

Da modernización á transformación dixital do sector primario

Mellorar a calidade de vida no medio rural apostando pola aplicación das TIC para aumentar a produtividade e competitividade do sector primario.

Polo tecnolóxico do Gaiás

O Centro de Excelencia en Intelixencia de Negocio de HPE e o centro de innovación social dixital Conecting for good Galicia de Vodafone abren as súas portas na Cidade da Cultura

Axenda Dixital de Galicia 2020

O 30 de abril de 2015 aprobouse a Axenda Dixital de Galicia 2020, unha estratexia que dá resposta ao novo contexto dixital e a como as políticas TIC poden formularse para apoiar o crecemento na Comunidade apostando por un modelo de crecemento vinculado á economía dixital. Un ano máis tarde é momento de facer balance, coa finalidade de dar conta dos avances acadados en termos de repercusión e impacto socieconómico das iniciativas impulsadas.

Estratexia de Crecemento Dixital

A Estratexia de Crecemento Dixital é unha folla de ruta na que se establecen as liñas estratéxicas da Política Tecnolóxica da Xunta de Galicia para o horizonte 2020, e, en todo caso, estará completamente aliñada coa RIS 3 de Galicia para establecer relacións sinérxicas entre elas.

Axenda Dixital 2014.gal

A continuación amósanse o documento actual da Axenda Dixital 2014.gal, os balances acumulados, e os informes anuáis.

Axenda Dixital de Galicia 2014.gal