A Xunta de Galicia levou a cabo o Plan de banda larga de Galicia 2013 co que se conseguiu posicionar á Comunidade como unha das primeiras rexións europeas que abordou unha estratexia integral para o despregamento de infraestruturas de telecomunicacións.
As metas establecidas no Plan eran:
Grazas ás actuacións de despregamentos de redes de telecomunicacións do Plan, conseguiuse acadar a vertebración territorial no referente á banda larga reducindo a marcada fenda dixital que existía no ano 2010 entre as provincias da fachada atlántica e do interior de Galicia, concretamente, pasou dunha diferenza do 20% ao 1%.
En concreto acadáronse os seguintes avances de cobertura de banda larga e de redes de nova xeración:
Este plan ten por obxecto principal o establecemento dun marco regulador de ordenación xeral para as infraestruturas públicas terrestres de telecomunicacións no ámbito da comunidade autónoma.
O Centro de Proceso de Datos Integral é, xunto coa Axencia para a Modernización Tecnolóxica de Galicia, a pedra angular da estratexia tecnolóxica autonómica definida na Axenda Dixital de Galicia 2014.gal.
A Xunta de Galicia dispón dunha rede de acceso con protocolo de rede IP que integra voz e datos nas súas principais dependencias, con nodos e centrais telefónicas da súa propiedade.
Trátase dunha infraestrutura integrada por 4500 equipos de comunicacións, máis de 60 000 dispositivos informáticos e 21 000 liñas telefónicas.
A oficina agraria virtual é unha ventanilla de atención ao público en internet. Neste punto atopanse servizos orientados aos cidadáns tanto para consulta de datos de carácter persoal, como para a realización de trámites administrativos.
Para acceder aos servizos da OAV é preciso introducir o NIF xunto co contrasinal (PIN) facilitado pola Consellería do Medio Rural e do Mar.
O proxecto Videoguard configúrase como un sistema de videovigilancia intelixente para a prevención e persecución da pesca e do marisqueo furtivos. Durante os próximos meses poñerase en funcionamento un período de probas que se estenderá ata finais de ano e servirá á Xunta para valorar a viabilidade de implantar o sistema na costa galega, aproveitando as infraestruturas de telecomunicacións xestionadas polo operador público Retegal, dependente da Axencia para a Modernización Tecnolóxica de Galicia (Amtega).
En 2015 estará operativo o Sistema de Axuda á Explotación da Mobilidade (SAE) liderado pola Xunta de Galicia, que permitirá ás empresas contratistas dos servizos públicos de transporte dispoñer deste servizo sen necesidade de dotarse dun SAE local propio. A incorporación deste sistema é unha das obrigas establecidas no Plan de Modernización para toda a flota de transporte regular de persoas que dá servizo anualmente a 25 millóns de usuarios, a través de máis de 1.000 autobuses.
O fogar dixital consiste nunha vivenda coa infraestrutura, equipamentos e servizos necesarios para atender as necesidades dunha familia en materia de seguridade, control enerxético, asistencia no fogar e comunicación.
Funcionalidades do fogar dixital
A Xunta de Galicia aprobou, o pasado 30 de abril de 2015, a Axenda Dixital de Galicia 2020 que establece a estratexia tecnolóxica de Galicia para os próximos anos.
No marco desta estratexia, aliñada coa Axenda Dixital para España e o Plan de Telecomunicacións e Redes ultrarrápidas, definiuse o Plan de Banda Larga de Galicia 2020 (PDBL 2020) para impulsar en Galicia a dispoñibilidade e uso das redes de comunicacións de nova xeración.
