Certificación galega de competencias dixitais en ofimática (CODIX)

O artigo 6 do Decreto 218/2011, do 17 de novembro, polo que se regula a certificación galega de competencias dixitais en ofimática describe os coñecementos de ofimática necesario para a obtención do devandito certificado.

A solicitude realizarase a través do formulario electrónico normalizado dispoñible na sede electrónica da Xunta de Galicia.

A emisión do certificado non supón custo económico para a persoa solicitante (non se cobran taxas).

Solicita a túa certificación aquí.

Qué é a CODIX e para que vale?

A Codix é a certificación galega de competencias dixitais. Por medio desta certificación, a persoa titular pode acreditar, ante as instancias públicas ou privadas, as súas competencias en en materia de ofimática.

O Plan Smart Turismo, enmarcado no Plan Integral de Turismo 2014-2010, aliña a tecnoloxía cos obxectivos estratéxicos da Administración autonómica para evolucionar cara un sector turístico máis competitivo, participativo e innovador.

A creación da plataforma tecnolóxica permitirá optimizar os procesos administrativos, de xestión, información e inspección grazas á integración de plataformas e sistemas informáticos existentes, que se mellorarán e incorporarán novas funcionalidades, e ao desenvolvemento de novas ferramentas e servizos tecnolóxicos. 

Este eixo abrangue as medidas para a axudar a consolidar e mellorar o posicionamento e venda de produtos que compoñen a oferta turística de Galicia. Inclúe a implantación dun metabuscador que permite capturar a información de produtos e paquetes turísticos que o sector galego publica en portais de referencia para integralos no portal de turismo de Galicia.

Esta liña establece as actuacións para incentivar a innovación, e a colaboración público-privada de xeito que se aproveiten as sinerxias e investimentos de ambos sectores para garantir a máxima calidade nos servizos turísticos.

Unha das medias é a creación dun Laboratorio de Innovación Turística, que a través dun portal web facilitará ao conxunto do sector terá acceso ás diferentes ferramentas e servizos tecnolóxicos  que existen (de xestión, aplicacións de promoción, metodoloxías, modelos...) e os novos que vaian xurdindo tanto en Galicia como no resto do mundo. 

O Plan contempla una liña específica para potenciar o Camiño de Santiago como produto turístico singular de Galicia, facilitándolles aos posibles peregrinos ou turistas os servizos tecnolóxicos máis avanzados. 

SmartCamiño sustentarase sobre unha plataforma tecnolóxica aberta e interoperable que permitirá capturar, ordenar e categorizar datos en tempo real de múltiples ámbitos: datos e parámetros de temperatura, humidade, exposición solar, fluxos de visitantes e eventos, ofertas comerciais, alertas e avisos.... 

A Xunta de Galicia, as tres universidades galegas, os centros tecnolóxicos dedicados ás tecnoloxías da información e a comunicación e as empresas do Clúster TIC puxeron en marcha no mes de abril de 2014 o Programa Transformatic, que busca aliñar os esforzos públicos e privados para fomentar o emprendemento dixital, a transferencia da innovación ao mercado e o fortalecemento do sector tecnolóxico galego.