Galicia estableceu como obxectivo, dentro do actual marco establecido polo Plan estratéxico Galicia 2010-2014, o reto de converxer co horizonte europeo para 2020. Deste plan xorde a Axenda Dixital de Galicia como aposta pola definición dunha estratexia clara en materia de sociedade da información, que nos permita competir como rexión no novo mercado único dixital europeo definido pola Axenda Dixital para Europa e na nova economía do coñecemento, como camiño para unha recuperación económica sustentable.

A Xunta de Galicia vén desenvolvendo un conxunto de medidas a través da Axenda Dixital 2014.gal para avanzar cara a unha Administración electrónica capaz de ofrecerlles á cidadanía e ás empresas uns servizos eficientes e próximos mediante o emprego das tecnoloxías da información. Unha administración aberta as 24 horas os 365 días do ano, máis transparente e participativa.

Acreditación Dixital do Empregado Público

Dotar o funcionariado de identidade dixital para o desempeño das súas funcións implica dispoñer da infraestrutura tecnolóxica e humana axeitada.

A Xunta de Galicia asinou coa FNMT-CRM un contrato para a obtención de este tipo de certificados electrónicos que permiten a identificación, autentificación e sinatura dos organismos e entidades públicas que conforman o sector público de Galicia e do persoal funcionario para o desenvolvemento das súas funcións.

Unha oficina de información e rexistro é un centro de atención á cidadanía que acode a presentar solicitudes, escritos e comunicacións na Xunta de Galicia ou a informarse acerca dos servizos ofrecidos.

Estas oficinas experimentaron un proceso de modernización nos últimos anos, caracterizado por:

O Portasinaturas é unha aplicación que proporciona a funcionalidade necesaria para poder asinar masivamente lotes de documentos de xeito telemático e seguro. Esta solución, pensada para ser empregada por usuarios e outras aplicacións, permite asinar directamente documentos electrónicos ou solicitar a sinatura de documentos tanto a un como a varios asinantes ao mesmo tempo.

O desenvolvemento e a madurez dos servizos públicos dixitais permite mellorar a calidade de vida das persoas efavorece a xeración dunha cultura dixital dentro dos perceptores dos servizos. O uso da tecnoloxía para a prestación de servizos públicos foi frecuente, en especial, cos primeiros avances normativos que xa se empezaron a introducir na lexislación española coa aprobación de Lei 30/1992.

Plan de modernización do Servizo Público de Emprego de Galicia
O Servizo Público de Emprego de Galicia está a desenvolver un conxunto de medidas que buscan un maior achegamento coa poboación demandante de emprego e as empresas galegas e, ao mesmo tempo, que ese achegamento implique o menor impacto ambiental posible.

O novo modelo sanitario chega da man da incorporación das tecnoloxías da información e da comunicación (TIC) no sector da saúde, con fin de posibilitar a resolución de problemas complexos, de xeito áxil e seguro.

No ámbito sanitario interveñen cidadanía e profesionais de diferentes niveis asistenciais, afeitos a empregar as TIC, que permiten salvar barreiras xeográficas, achegando ata a poboación a asistencia sanitaria e permitindo que diferentes profesionais da saúde poidan compartir coñecementos desde onde estean.