A Federación Galega de Asociacións Universitarias Seniors (FEGAUS), no marco das súas actividades como aliado do Plan de Inclusión Dixital de Galicia da Axencia para a Modernización Tecnolóxica de Galicia (Amtega), organiza un programa formativo que conta con máis de 20 seminarios online duns 60 minutos de duración que tratan diversos contidos de temáticas cotiás apoiándose na axuda que supón o uso das novas tecnoloxías.

A Xunta contará cunha rede de telecomunicacións sen precedentes que permitirá dar resposta a todas as esixencias dunha administración integramente dixital. Telefónica vén de gañar o primeiro lote do contrato da súa rede corporativa de telecomunicacións, que inclúe todas as liñas de comunicacións dos centros, o acceso a internet e a telefonía fixa por importe de 33 M€, con máis de 5,1 M€ de rebaixa sobre o importe de licitación. Desta forma, nas próximas semanas tamén se decidirá a adxudicación do segundo lote correspondente á telefonía móbil.

O gasto total en TIC das empresas galegas superou os 457 millóns de euros, o que representa un incremento dun 11,7% respecto ao exercicio anterior. As microempresas destinaron o seu maior orzamento TIC ao gasto en bens, servizos e consultas TIC mentres o gasto principal das empresas de 10 ou máis empregados/as foi o gasto en software.

A Axencia para a Modernización Tecnolóxica de Galicia (Amtega) inicia este luns 1 de marzo a formación das 180 persoas que se matricularon nestes días no curso de teleformación preparatorio previo ao exame presencial que terá lugar no mes de maio, unha vez rematada a devandita formación.

O curso de preparación de 190 horas de duración impártese na modalidade de teleformación con titorías de apoio, polo que soamente será necesario contar cun ordenador persoal e conexión a Internet para seguir a formación desde calquera lugar e en calquera momento.

A Axencia para a Modernización Tecnolóxica de Galicia (Amtega) un total de 410 prazas de carácter libre para a avaliación para a obtención da certificación galega en competencias dixitais en ofimática (CODIX).

A sinatura dos contratos que garantan a prestación de servizos de seguridade da información, ciberseguridade e protección de datos; o desenvolvemento do modelo de colaboración público-privada iniciado coa creación do nodo galego de ciberseguridade CIBER.gal; a inminente construción do Centro de Ciberseguridade de Galicia, e iniciativas para concienciar á cidadanía, forman parte do esquema de colaboración e reforzo co que a Xunta de Galicia afronta os retos de seguridade asociados á tranformación dixital da sociedade.