| Amtega

A Xunta destinou máis de 60 millóns á implantación das novas tecnoloxías no ámbito xudicial en Galicia

Galicia xa ten en marcha todas as pezas do expediente xudicial electrónico grazas as medidas que se veñen desenvolvendo desde o ano 2009 no proceso de dixitalización da xustiza, coa inversión de 50 millóns aos que se suman 11 máis nas actuacións previstas a partir deste ano, o que supón un orzamento total de 61 millóns destinados á implantación das novas tecnoloxías no ámbito xudicial en Galicia.

O número de vistas gravadas nos xulgados de Galicia en marzo foi o máximo rexistrado nun mes dende que se implantou o sistema

Nos xulgados de Galicia graváronse no mes de marzo deste ano un total de 10.175 vistas, o que supón un incremento dun 124.47% con respecto ao mesmo mes do ano anterior. Trátase do mes con maior número de vistas gravadas nos últimos tres anos, dende o comezo da implantación da aplicación eFidelius.

Calquera persoa de Galicia pode xa autorizar a outra dende a sede electrónica da Xunta para realizar os seus trámites ante as administracións

As persoas de Galicia que queiran designar a outra para facer no seu nome os trámites ante as administracións poden facelo xa na sede electrónica da Xunta. A creación do Rexistro Xeral de Apoderamentos simplifica este trámite, que poderá facerse de maneira gratuíta.

O novo Rexistro de Apoderamentos créase no marco da Lei de Administración Dixital de Galicia e está regulado no Decreto publicado polo DOG o pasado 18 de marzo.

O número de empresas tecnolóxicas e de contidos creceu en Galicia un 4,5 por cento, fronte ao 0,1 por cento da media española

O Hipersector TIC galego pechou o ano 2020 con 24.393 traballadores, o que representa un crecemento do 0,2% respecto do ano anterior. Comparativamente, o Hipersector TIC é un dos sectores económicos máis resilientes na actual conxuntura marcada pola COVID-19, e incluso pódese dicir que crea emprego. O incremento de emprego concéntrase no sector TIC, que conta con 19.343 traballadores, experimentando un crecemento do 1,9% no período 2019-2020, mentres o sector Contidos sitúase nos 5.050 empregados/as.

A Amtega comparte a súa visión de futuro das competencias dixitais no Encontro Nacional de Responsables de Redes organizado pola asociación “Somos digital”

A Rede CeMIT, liderada pola Axencia para a Modernización Tecnolóxica de Galicia (Amtega), participou no Encontro Nacional de Responsables de Redes de Competencias Dixitais. O acto foi organizado virtualmente pola Asociación Somos Digital, unha comunidade da que a Rede CeMIT forma parte xunto con outras 13 redes de telecentros. Somos Digital foi constituída no ano 2008 co fin de agrupar institucións, entidades e colectivos que traballan na creación, dinamización e mantemento de espazos públicos dedicados ao fomento da Sociedade da Información.

A Voluntaria Guadalupe Ordóñez Torres, do programa de voluntariado dixital de Galicia, recibe o premio “voluntariado contra a fenda dixital” de Fundación Esplai

Galicia estivo presente na XII Edición dos Premios Fundación Esplai á Cidadanía Comprometida, xa que unha das voluntarias máis activas do Programa de Voluntariado Dixital da Xunta de Galicia, Guadalupe Ordóñez Torres, foi galardonada na categoría de "voluntariado contra a fenda dixital".

A entrega de premios foi a través dun acto virtual e tivo lugar no marco da celebración do Foro21, que é o principal acto organizado pola Fundación Esplai e que este ano leva por título "Xuventude comprometida coa terceira idade".

Galicia avanza na universalización da súa lingua co proxecto Nós que empregará a intelixencia artificial para que os cidadáns poidan interactuar en galego no mundo dixital

O presidente da Xunta, Alberto Núñez Feijóo, presentou hoxe o proxecto Nós: Intelixencia artificial ao servizo da lingua galega, que permitirá aos cidadáns interactuar en galego no mundo dixital ao mesmo nivel que os falantes doutras linguas.

A Xunta incorporará 81 novos centros a E-DIXGAL o vindeiro curso e amplía este Programa de libro dixital a 3º e 4º de ESO noutros 139

A Xunta de Galicia incorporará o vindeiro curso 2021/2022 ao programa de libro dixital E-Dixgal un total de 81 novos centros e ampliará a participación doutros 139 aos cursos de 3º e 4º de ESO, a principal novidade da convocatoria deste ano. Ademais, dous centros educativos que xa o desenvolven en Secundaria incorporan a iniciativa tamén á etapa de Primaria. Deste xeito, o número total de centros integrados no E-Dixgal elévase a 551, dos que 197 son da provincia da Coruña, 90 da de Lugo, 46 da de Ourense e 218 da de Pontevedra.

Declaración institucional con motivo do día mundial de internet

Co lema “Internet panca de Transformación Dixital e Resiliencia”, o Día Mundial de Internet destaca este ano a importancia deste recurso como espiña dorsal da transformación dixital e medio que garantiu de forma segura a continuidade das actividades administrativas, económicas e sociais nos últimos meses.

Os puntos de vacinación de Galicia tramitarán a Chave 365 para que as persoas que o desexen poidan acceder ao seu certificado desde o seu teléfono móbil

O presidente do Goberno galego, Alberto Núñez Feijóo, anunciou hoxe que os puntos de vacinación de Galicia poderán tramitar a Chave 365 para que as persoas que o desexen poidan acceder a través das app E-Saúde e PassCovid ao seu certificado de vacinación.

De feito, explicou, hoxe mesmo se publica no DOG a resolución conxunta que habilita ao persoal empregado da vacinación á realización destes trámites de oficio sempre que o paciente o autorice.

Subscribirse a