| Amtega

Alumnado de 50 centros educativos galegos mellorarán durante 2 cursos as súas competencias dixitais a través de Digicraft

O alumnado de 50 centros educativos de toda Galicia participará durante dous cursos académicos no proxecto Digicraft, que ten como obxectivo a mellora das competencias dixitais dos máis novos. A conselleira de Educación, Universidade e Formación Profesional, Carmen Pomar, e a directora da Amtega, Mar Pereira, abordaron esta mañá cos docentes e directores dos colexios participantes esta iniciativa, desenvolvida en colaboración coa Fundación Vodafone España. No acto de apertura participou, tamén, o presidente e CEO de Vodafone España, Antonio Coimbra.

Preto do 89% dos fogares galegos ten contratado internet, un 7,5% máis que hai un ano

Preto do 89% dos fogares galegos ten contratado Internet, o que supón un incremento do 7,5% con respecto ao ano 2018, superior ao crecemento do conxunto do Estado (5,8%) e o maior rexistrado desde 2016. O crecemento máis importante prodúcese nos concellos galegos con menor poboación, os de menos de 10.000 habitantes, nos que os fogares conectados pasan dun 74,6% a un 81,2%. Nos espazos urbanos o crecemento na contratación de Internet e da banda larga é superior á do conxunto do estado.

A Xunta avanza a creación dun nodo de ciberseguridade galego

A directora da Axencia para a Modernización Tecnolóxica de Galicia (Amtega), Mar Pereira, sinalou hoxe que no contexto de transformación dixital a ciberseguridade é esencial porque “nos xogamos vivir nunha contorna segura”. A responsable da política tecnolóxica da Xunta inaugurou esta mañá a última xornada do Foro Cybersec@gal, organizado impulsado pola cátedra R en Ciberseguridade e o Colexio Profesional de Enxeñaría Informática.

As empresas galegas superan á media estatal no uso da administración electrónica

O 93,5% das empresas de 10 ou máis traballadores e o 74,1% das microempresas interactuou coas administracións públicas a través de Internet. En ambos tipos de empresas a xestión online coa administración é superior ao do conxunto do estado e sitúa a Galicia nos primeiros postos entre as diferentes Comunidades Autónomas.

Máis de noventa axentes do sector agrogandeiro galego participan este martes nunha nova xornada sobre o proxecto Primare

A Axencia para a Modernización Tecnolóxica de Galicia (Amtega), en colaboración coa Consellería de Medio Rural a través do Fondo Galego de Garantía Agraria (Fogga), organiza o próximo 22 de outubro no concello de Meira (Lugo) a xornada “Primare Demo-Day” para dar a coñecer as oportunidades e retos do proxecto piloto de innovación ‘Primare – Inspeccións Intelixentes Avanzadas’ para a automatización dos controis en campo asociados ás axudas da Política Agraria Común (PAC).

O CPEIG e a Amtega pechan o programa TechKids cunha xornada de obradoiros de programación, pilotaxe de drons e realidade virtual

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizarán o vindeiro domingo, 27 de outubro, a xornada final do programa “TechKids”, talleres sobre programación, robótica, drons e animación 3D celebrados durante o verán nas Aulas CeMIT de Galicia. O evento celebrarase de 11:00 a 14:30 horas no Edificio do Centro de Innovación Cultural (Cinc) da Cidade da Cultura de Galicia.

A Amtega e a AETG organizan a conferencia “Xemelgos Dixitais e o reto dos Buques Intelixentes”

A Axencia para a Modernización Tecnolóxica de Galicia (Amtega) e a Asociación de Enxeñeiros de Telecomunicación de Galicia (AETG) organizan o 28 de outubro a conferencia “Xemelgos Dixitais e o reto dos buques intelixentes”, que forma parte do programa de transferencia de coñecemento sobre novas tendencias tecnolóxicas do convenio firmado ente Amtega e AETG.

A charla no Auditorio Xosé Neira Vilas da Cidade da Cultura (ás 11:15h e será impartida polos enxeñeiros e Directores de Navantia, Donato Martínez Pérez de Rojas, Juan Ignacio Silvera Vez e Carlos Blanco Seijo

Mar Pereira sinala a importancia do acompañamento xurídico na implantación da intelixencia artificial e doutras tecnoloxías disruptivas

A Intelixencia Artificial e a súas aplicacións e implicacións no ámbito xudicial centran o contido da XI Xornada de Informática Xudicial e Delitos Informáticos, Iuristicgal, que se celebra hoxe na Cidade da Cultura. Este encontro foi inaugurado hoxe pola directora da Axencia para a Modernización Tecnolóxica de Galicia (Amtega), Mar Pereira, e o presidente do Colexio de Enxeñaría Técnica en Informática (CPETIG), Marcos Mata.

A Amtega pon en marcha a terceira edición do programa “Tecnólogo por un día” con máis de 70 prazas para estudantes de 12 a 17 anos

A Axencia para a Modernización Tecnolóxica de Galicia (Amtega) pon en marcha unha nova edición do programa “Tecnólogo por un día”, que ofrece a estudantes de 12 a 17 a oportunidade de experimentar, en primeira persoa, unha xornada laboral con profesionais de empresas do sector TIC en Galicia. É unha das iniciativas do Plan de Promoción de Talento Dixital de Galicia 2020, DigiTalent.

A Xunta avanza no novo modelo de xestión dos sistemas de impresión e dixitalización, que xa reduciu nun 40% o número de dispositivos

A Xunta de Galicia avanza na consolidación do novo modelo de xestión dos sistemas de impresión e dixitalización corporativos, que comezou a implantar en 2017 para adaptar este servizo ás necesidades da administración electrónica. Con este obxectivo a Axencia para a Modernización Tecnolóxica de Galicia (Amtega) licita un novo acordo marco para a contratación centralizada do mantemento e renovación de equipos e o subministro de consumibles mediante o sistema de pago por copia.

Subscribirse a