O conselleiro de Facenda e Administración Pública, Miguel Corgos, destacou o papel esencial dos enxeñeiros informáticos nunha Galicia que aposta pola mellora da calidade de vida das persoas e a súa seguridade e por unha economía que xere riqueza e gañe competitividade.

No marco do proxecto de investigación D-Inclusión, a Universidade de Huelva impulsa a análise de experiencias formativas dirixidas a persoas maiores, co fin de avanzar na súa inclusión dixital. O proxecto ten como obxectivo identificar e validar metodoloxías pedagóxicas innovadoras que faciliten a adquisición de competencias dixitais esenciais, promovendo a autonomía, o benestar e a participación activa deste colectivo na sociedade dixital.

Máis de 4.000 explotacións agrícolas de Galicia están a utilizar servizos integrados na Plataforma dixital agroforestal (PDAGRO), desenvolvida a través dun proxecto de colaboración entre a Consellería do Medio Rural e a Axencia para a Modernización Tecnolóxica de Galicia. O Consello da Xunta avaliou hoxe un informe sobre o estado do desenvolvemento desta plataforma. Os traballos iniciáronse en marzo de 2024 e prolongaranse ata xuño de 2027, cun orzamento de 5,4 millóns de euros, financiados polo Fondo Europeo de Desenvolvemento Rexional, Programa Feder Galicia 2021-2027.

O tecido empresarial galego investiu en 2023 máis de 150 millóns de euros en ciberseguridade, o que supón un incremento de máis dun 30 % respecto á cifra do ano anterior. Pemes e micropemes destinaron 36 millóns de euros máis a protexerse fronte á ciberdelincuencia.

A Axencia para a Modernización Tecnolóxica de Galicia (Amtega) convoca a segunda edición dos Premios Axentes TIC da Rede CeMiT, cuxas bases publica hoxe o Diario Oficial de Galicia . O obxectivo destes galardóns é recoñecer o labor que desenvolven estes profesionais para impulsar a capacitación dixital dos galegos desde a rede de aulas públicas.

Máis de 140 municipios de Galicia, sobre todo das áreas rurais, recorreron aos servizos da Oficina Concellos da Xunta, que proporciona información e axuda sobre o despregamento de redes de telecomunicacións no ámbito local.

O Nodo CIBER.gal, impulsado pola Xunta de Galicia, organiza o próximo 11 de xuño, a xornada Galicia cibersegura:
protexendo o Tecido Empresarial. Este evento, que terá lugar no Parque Tecnolóxico de Galicia (Tecnópole) en San Cibrao das Viñas é unha actividade previa ao Encontro CIBER.gal, que este ano celebrará en novembro a súa quinta edición.

A Axencia para a Modernización Tecnolóxica de Galicia (Amtega) amplía os recursos dispoñibles no portal Mancomún.gal coa publicación de dúas novas guías que buscan facilitar o desenvolvemento tecnolóxico accesible e promover a apertura de proxectos de intelixencia artificial.

Estes documentos están orientados tanto a profesionais do sector como a entidades públicas e privadas interesadas en impulsar solucións máis inclusivas e abertas. Ambas guías combinan un enfoque didáctico cunha visión práctica para a súa implementación.

A Axencia para a Modernización Tecnolóxica de Galicia (Amtega) e a Asociación de Enxeñeiros de Telecomunicación de Galicia (AETG) organizan no mes de xuño o acto “10º Aniversario da Oficina Concellos”, que forma parte do programa de actividades de divulgación e asesoramento á sociedade en xeral, e en especial aos axentes implicados no ámbito regulatorio das telecomunicacións.