A Xunta abre hoxe a consulta pública previa da futura Lei de planificación, organización e impulso da intelixencia artificial (IA) en Galicia para recoller as suxestións e achegas que a cidadanía e entidades públicas e privadas poderán realizar ata o vindeiro 15 de outubro a través do Portal de Transparencia da Administración autonómica.

O director da Axencia para a Modernización Tecnolóxica de Galicia, Julián Cerviño, destacou hoxe en Vigo, que o traballo desenvolvido pola Xunta no marco da Estratexia Galicia Dixital 2030 (EGD2030) está no camiño de acadar o obxectivo de especializar á nosa Comunidade no desenvolvemento dunha intelixencia artificial confiable e humanista na vangarda europea.

Esta mañá deu inicio o Curso superior de Administración electrónica, unha actividade deseñada para reforzar a formación en competencias dixitais do persoal empregado público galego.

Este curso, convocado pola Escola Galega de Administración Pública e en colaboración coa Axencia para a Modernización Tecnolóxica de Galicia e o Colexio Profesional de Enxeñaría en Informática de Galicia, formará a 70 persoas sobre o desenvolvemento normativo que regula a administración dixital e as súas ferramentas.

O Centro GaiásTech da Cidade da Cultura acolleu onte e antonte as xornadas finais do ciclo de Obradoiros de verán “Girl STEAM” no que participación preto de 30 rapaces e rapazas. A esta cifra súmanse os máis de 260 rapaces e rapazas de entre 8 e 15 anos que participaron entre os meses de xullo, agosto e setembro nos obradoiros de carácter práctico e presencial nas aulas CeMIT de 14 concellos de toda Galicia.

A Xunta de Galicia puxo a disposición da industria forestal unha ferramenta gratuíta que permite etiquetar a trazabilidade dos produtos da madeira mediante o uso da tecnoloxía Blockchain. FORTRA é unha plataforma desenvolvida pola Axencia para a Modernización Tecnolóxica de Galicia e a Axencia Galega da Industria Forestal en colaboración coa Dirección Xeral de Planificación e Ordenación Forestal da Consellería do Medio Rural.

O sistema de información de xestión contable de fondos europeos agrarios (SICOP), desenvolvido pola Axencia para a Modernización Tecnolóxica de Galicia en colaboración co Fondo Galego de Garantía Agraria (FOGGA) da Consellería do Medio Rural, estase a converter no modelo de referencia en toda España, que é usado xa en comunidades autónomas como Madrid ou Baleares.

O código foi compartido con outras catro autonomías, no marco dun acordo co Fondo Español de Garantía Agraria (FEGA), que permitirá tamén a xestión de instrumentos para a súa evolución común.

A Axencia para a Modernización Tecnolóxica de Galicia abre a convocatoria de axudas para a realización de proxectos que teñan por obxectivo a realización de actividades de difusión e fomento do uso do software e hardware libre en Galicia, segundo publica hoxe o Diario Oficial de Galicia (DOG). Esta convocatoria de carácter bienal comprende as anualidades 2023 e 2024 e está dotada con 60.000 euros.

As tecnoloxías de intelixencia artificial –que permiten “adestrar” un sistema para que sexa capaz de discernir entre terras que están ocupadas por viñedos das que non o están– poderán ser utilizadas pola Xunta de Galicia para actualizar a información sobre as parcelas vitícolas.

O Diario Oficial de Galicia publica hoxe a convocatoria para a solicitude dos bonos dixitais para colectivos vulnerables do programa estatal ÚNICO. O prazo ábrese mañá e permanecerá aberto ata o vindeiro 15 de novembro.

A Alameda de Santiago de Compostela converteuse hoxe nun escenario no que se mesturou a realidade con escenarios virtuais para acoller a proba final do Dragal Challenge, primeira experiencia da plataforma de contidos interactivos impulsada pola Xunta de Galicia e a CRTVG.