Impulsar unha sociedade galega plenamente dixital e integrada na Sociedade da Información.

Avanzarase cara a unha sociedade cohesionada, solidaria dixitalmente, inclusiva, sen desigualdades dixitais, ampliando a estratexia de inclusión dixital para que permita non só a alfabetización dixital, senón tamén evolucionar no nivel de madurez dixital da sociedade.

Do turismo tradicional ao turismo intelixente

Facer de Galicia un destino turístico intelixente, consolidado sobre unha infraestrutura tecnolóxica de vangarda, que facilite a interacción do visitante coa contorna antes, durante e despois da viaxe.

Da xestión do transporte á mobilidade personalizada

Avanzar cara a servizos de transporte intelixentes personalizados e integrais capaces de anticiparse á demanda da sociedade galega.

Das TIC na empresa ás empresas 4.0

Reforzar a competitividade do tecido empresarial, e en particular das PEMES, poñendo ao seu alcance tecnoloxías accesibles, vinculadas ao seu negocio, impulsando a súa adopción como un factor de diferenciación relevante para o seu crecemento.

Do sector TIC ao ecosistema dixital

Consolidar un hipersector TIC competitivo e innovador, que impulse a xeración de emprego cualificado e o desenvolvemento do resto dos sectores estratéxicos de Galicia.

Da competencia TIC ao talento TIC

Aumentar a capacidade produtiva das empresas a través de profesionais TIC que respondan ás necesidades tecnolóxicas actuais e futuras.

Da prevención á xestión intelixente de riscos

Incrementar a capacidade de resposta dos servizos de detección, prevención e xestión de riscos mediante o emprego de novas solucións dixitais.

Da conectividade á usabilidade

Promover o despregamento de redes de telecomunicacións ultrarrápidas ao servizo do desenvolvemento dixital da Comunidade, capaces de adaptarse aos novos modelos de uso e garantir o acceso e o emprego de novos e cada vez máis sofisticados servizos dixitais.

Da seguridade á confianza dixital

Crear un clima de confianza que contribúa ao desenvolvemento da economía e a sociedade dixital, reforzando as capacidades da Administración, do sector empresarial e da propia cidadanía para o uso seguro das redes e dos sistemas de información.