| Amtega

A Xunta abre unha nova liña de axudas para impulsar as plataformas de venda online de produtos agroalimentarios no rural galego

A Vicepresidencia económica e Consellería de Economía, Empresa e Innovación vén de publicar hoxe no Diario Oficial de Galicia (DOG) a convocatoria de axudas para a creación e lanzamento de plataformas de marketplace para produtos agroalimentarios no medio rural.

Así, os concellos de menos de 10.000 habitantes, as federacións de comerciantes e os Grupos de Desenvolvemento Rural (GDR) interesados en solicitar estes apoios, de concorrencia non competitiva, poderán facelo desde mañá martes 31 agosto, sendo 48.000 euros o importe máximo que poden alcanzar estas axudas.

Feijóo avanza a Estratexia Educación Dixital 2030 que, cun investimento inicial de 120 M€, permitirá acadar un ecosistema educativo de alto rendemento e a transformación nas aulas

O responsable do Goberno galego, Alberto Núñez Feijóo, avanzou hoxe que a Estratexia Educación Dixital 2030, que contará cun investimento de 120 millóns de euros para os primeiros tres anos de aplicación, permitirá acadar un ecosistema educativo de alto rendemento e a transformación nas aulas.

A Xunta lanza o Plan Dixital de Centro, dotado con 19M€ e a contratación de 80 docentes de apoio para fortalecer a transformación tecnolóxica das aulas

A Xunta de Galicia vén de lanzar o Plan Dixital de Centro, a primeira acción enmarcada na recen aprobada Estratexia Educación Dixital 2030, cunha dotación inicial de 120M€ para os primeiros tres anos de aplicación, e que é a folla de ruta do Goberno galego para acadar a plena transformación tecnolóxica das aulas galegas nesta década.

O novo Marco Galego de Competencias Dixitais fortalecerá a capacitación do persoal empregado público e sitúa a Galicia na vangarda da adaptación aos estándares europeos

A aprobación do Marco Galego de Competencias Dixitais, que entrará en vigor o vindeiro 1 de xaneiro de 2022, converte a Galicia na primeira comunidade autónoma en adaptar ao seu territorio o marco europeo na súa versión máis recente e actualizada, segundo destacou esta mañá a directora da Axencia para a Modernización Tecnolóxica de Galicia, Mar Pereira.

A aposta da Xunta polo 5G fai a que o Porto de Vigo acolla as primeiras probas para a aplicación desta tecnoloxía á vixilancia e seguridade das instalacións portuarias españolas

O Porto de Vigo sitúase na vangarda no desenvolvemento de solucións innovadoras baseadas en tecnoloxía 5G aplicadas a instalacións portuarias ao acoller dous casos de uso do proxecto liderado por Orange. Un relativo a vixilancia mariña con naves non tripuladas empregando 5G, e outro para o control automatizado de acceso ás lonxas a través do recoñecemento facial, segundo manifestou hoxe nesta cidade a directora da Axencia para a Modernización Tecnolóxica de Galicia (Amtega), Mar Pereira.

A Xunta informa aos concellos sobre o funcionamento da plataforma de acceso telemático aos documentos que requiren de visado do Colexio de Arquitectos

O nodo de interoperabilidade da Xunta pasaXe! permite xa que os concellos poidan acceder de forma telemática á documentación visada polo Colexio Oficial de Arquitectos de Galicia (COAG) necesaria para as tramitacións urbanísticas e de licencias.

Os municipios galegos de máis de 20.000 habitantes e as catro deputacións provinciais participaron hoxe na primeira das sesións informativas de presentación deste servizo de consulta telemática de expedientes de obras visadas polo COAG.

A Axega e o CITIC unen forzas para colaborar na implantación das vantaxes das novas tecnoloxías no tratamento e xestión das emerxencias

Membros da Axencia Galega de Emerxencias (AXEGA) e do Centro de Investigación en Tecnoloxía da Información e da Comunicación da Universidade da Coruña reuníronse esta mañá na sede do Centro de Investigación en Tecnoloxías da Información e das Comunicacións (CITIC), na cidade da Coruña, para avanzar na análise de melloras tecnolóxicas concretas que se poidan implementar no ámbito da xestión de emerxencias, tanto no eido operativo, como no da comunicación.

Galicia avanza na adecuación da formación no eido das tecnoloxías marítimas ás necesidades da industria naval e das enerxías mariñas renovables

O Centro Tecnolóxico do Mar-Fundación Cetmar organiza o vindeiro mércores un taller online no que os socios do proxecto europeo MATES, que coordina o ente dependente da Consellería do Mar e no que colaboran máis de 200 expertos de distintos ámbitos, exporán os avances acadados nos últimos meses de investigación co obxectivo de adecuar a formación no eido das tecnoloxías marítimas ás necesidades da industria naval e das enerxías mariñas renovables.

O GaiásTech acolle hoxe un encontro no que se presentará o selo de empresa ética, impulsado polo Consello de Colexios de Enxeñaría Informática

O centro GaiásTech acolle hoxe a partir das 15.00 horas a conferencia “Ética e Deontoloxía na Enxeñaría en Informática. O selo de Empresa éTICa do CCII”, impartida por Darío Álvarez, doutor en Informática pola Universidade de Oviedo e membro da Comisión de Ética e Deontoloxía do Consello de Colexios de Enxeñaría Informática (CCII).

Galicia acollerá en novembro o evento CIBER.gal, centrado na ciberseguridade do tecido empresarial, da cidadanía e das administracións públicas

Galicia acollerá en novembro o congreso CIBER.gal, impulsado polo Nodo Galego de Ciberseguridade (CIBER.gal) e orientado á seguridade da información no tecido empresarial, na cidadanía e nas Administracións Públicas. Así se anunciou esta semana durante o evento do terceiro aniversario do centro de innovación TEGRA Cybersecurity Center.

Subscribirse a