O Goberno galego a través do Plan de Banda Larga de Galicia 2020 persigue uns ambiciosos obxectivos en materia de banda larga co fin de contribuír á aplicación das políticas tecnolóxicas definidas na Axenda Dixital de Galicia 2020.
O Plan de Banda Larga 2020 asume un marco temporal de cinco anos, período durante o cal se irán desenvolvendo en paralelo os diferentes itinerarios e rutas de acción definidas, ata acadar os obxectivos establecidos de cobertura de banda larga ultrarrápida.
Neste senso, defínense os seguintes indicadores que servirán de base para a análise do avance e cumprimento dos fitos establecidos no Plan.
A Oficina do Plan de Banda Larga é un recurso posto en marcha pola Xunta de Galicia que conta cos seguintes servizos.
A Oficina Concellos AETG é un recurso posto en marcha no marco do Convenio de colaboración para o desenvolvemento da sociedade da información firmado entre a Xunta de Galicia e a Asociación de Enxeñeiros de Telecomunicación de Galicia (AETG).
A Xunta de Galicia, no marco do Plan de Banda Larga 2020, concedeu en xullo de 2016 unha convocatoria de axudas ao operador R Cable y Telecomunicaciones Galicia S.A destinada a despregar redes de banda larga ultrarrápida de máis de 100Mbps nos polígonos industriais que non contan con cobertura nin previsión de tela.
Estes despregamentos contarán cunha inversión pública de 3,4 millóns de euros no período 2016-2018 e xerarán un investimento total de de 5,2 millóns de euros.
O Consello da Xunta aprobou no mes de abril de 2013 o Plan Trabe para a Modernización Tecnolóxica dos Servizos Sociais. Dotado cun orzamento de 19,7 millóns de euros en cinco anos é un instrumento de apoio á planificación estratéxica deste área clave para a Comunidade, que xestiona a atención e as prestacións de máis de 1,6 millóns de galegos.
Galicia está inmersa nun proceso de modernización para o cal, o desenvolvemento das infraestruturas de telecomunicacións supón un factor clave.
Neste senso, para unha transformación homoxénea e global, é preciso crear unha contorna favorable na que se promova e impulse o despregamento das redes de banda larga en todo o territorio como base fundamental para a modernización, o crecemento e a innovación da Comunidade.
Coa aprobación da Lei 3/2013 Galicia convértese na primeira comunidade de España en apostar por unha iniciativa desta envergadura, que complementa a normativa estatal e evita a duplicidade de esforzos e investimentos nas administracións.
Este decreto desenvolve parcialmente o artigo 10 da Lei 3/2013, do 20 de maio, de impulso e ordenación das infraestruturas de telecomunicación de Galicia que establece que os proxectos de obra pública promovidos polas Administracións Públicas da Comunidade deberán prever a instalación de canalizacións, así como, a reserva de espazos axeitados para equipamentos de telecomunicacións e para localizacións de radiocomunicacións.
Este decreto desenvolve o disposto no artigo 9 da Lei 3/2013, de impulso e ordenación das infraestruturas de telecomunicacións de Galicia, sobre a determinación dos requisitos comúns de deseño para asegurar que as infraestruturas de telecomunicacións dos edificios da Administración xeral e das entidades instrumentais do sector público autonómico de Galicia ofrezan un axeitado nivel de calidade e fiabilidade, implantación e certificación.
