A Xunta de Galicia e o Goberno central veñen de celebrar por primeira vez unha reunión da Comisión Bilateral de Cooperación mediante videoconferencia, para tratar temas de turismo, patrimonio e do sector eólico.

No seo destas Comisións Bilaterais, tanto Xunta coma Estado coordinan no exercicio das súas respectivas competencias a resolución dos posibles conflitos plantexados por calquera das dúas partes, no eido legal, coma é neste caso, leis e Reais Decretos que son interpretados pola outra parte como que vulneran a distribución de competencias entre a comunidade galega e o Estado, buscando as medidas para a resolución dos conflitos plantexados. Por primeira vez teñen lugar a través do sistema de videoconferencia, supoñendo un importante aforro de custes nos desprazamentos dos participantes.

O obxecto básico da Comisión Bilateral de Cooperación é analizar as normas con rango de lei, tanto estatais coma autonómicas, que susciten cuestións susceptibles de dar lugar ao plantexamento dun recurso de inconstitucionalidade, co fin de chegar a un acordo que evite a interposición de dito recurso.

Por parte da Xunta asistiron o director xeral de Relacións Institucionais e Parlamentarias, Gonzalo Ordóñez; o xefe do gabinete de Asuntos Constitucionais da Asesoría Xurídica, Santiago Valencia; o Subdirector xeral de Ordenación, Inspección e Planificación turística, José Luis Maestro, a secretaria xeral técnica e do Patrimonio, Socorro Martín, o director xeral de Industria, Enerxía e Minas, Angel Bernardo Tahoces e o director do departamento de Enerxía e Planificación enerxética, Emérito Freire.

Por parte do Estado, participaron na Comisión Bilateral o director xeral de coordinación de competencias coas CC.AA e as Entidades Locais do Ministerio de Facenda e Administracións Públicas, Jaime Parrondo: o subdirector xeral de réxime xurídico, Gonzalo Díaz; o vicesecretario xeral técnico do Ministerio de Industria, Enerxía e Turismo, Salvador Robles, o subdirector xeral de enerxía eléctrica, Santiago Carabantes, e a secretaria xeral do Ministerio de Xustiza, Mireia Corredor.