O vindeiro luns, 18 de xaneiro, comezará a aplicarse en Galicia o apagón analóxico e o conseguinte acendido dixital das fases I (Ourense- Leste e Santiago) e II (Meda e Ares) que beneficiará, fundamentalmente, a concellos das provincias da Coruña e Ourense, aínda que tamén a algúns municipios das provincias de Lugo e Pontevedra.

Este primeiro proceso de acendido dixital farase, de xeito gradual, desde o vindeiro luns, 18 de xaneiro, ata o 1 de febreiro. Máis adiante, continuarase co acendido das zonas do Páramo e Domaio, correspondentes á fase III, que beneficiará aos concellos de Pontevedra e Lugo, aínda que tamén a algúns municipios das provincias da Coruña e Pontevedra. Deste xeito, o 3 de abril prevese que estea totalmente rematado este proceso de acendido dixital.

No cadro que segue a continuación detállanse as datas de apagamento nas distintas áreas técnicas das fases I e II. Comezarán o día 18 de xaneiro nos centros da Gudiña, Monterrei, Verín, Viana do Bolo (correspondentes á área técnica de Ourense-Leste), Lalín, Lousame, Montouto, Porto do Son, Santiago-San Marcos, Silleda, Teo e Vila de Cruces (correspondentes á área técnica de Santiago), e rematarán o 1 de febreiro nos centros de Catoira, Noia, Santiago-Pedroso, Santiago II, Vedra (correspondentes á área técnica de Santiago), Ares, Arou, Cabanas, Cariño-Ortigueira, Cerdido, Doniños, Ortigueira, Penamoa, Vimianzo, Xaviña (área técnica de Ares), Almorfe, Arnoia, Avión, Chandrexa, Crecente, Leiro, Lobios, Meda, Nogueira de Ramuín, Ourense, Pantón, Pontevedra, Sobradelo e Xunqueira de Espadañedo (pertencentes á área técnica de Meda).

Esta relación de datas de apagamento nos distintos centros pertencentes ás fases I e II podería sufrir leves modificacións, das que, de ser o caso, se informará debidamente.

Todas aquelas persoas beneficiarias ou interesadas neste proceso de acendido dixital poderán dirixirse á Oficina Técnica da TDT a través do seguinte número de teléfono 981 57 21 54 ou encontrar información detallada na páxina www.tdtgalicia.es.
 

OBSERVACIÓNS: O vindeiro venres día 15 de xaneiro ofrecerase unha rolda de prensa pola mañá para explicar, polo miúdo, todos os aspectos deste proceso de apagado analóxico. Os medios que precisen máis información ou queiran solicitar entrevistas referidas a este tema poderán facelo a través dos seguintes números de teléfono ou correos electrónicos:

981 54 12 38 // 981 54 59 22