O CPEIG e Secretaría Xeral de Modernización organizan unha xornada sobre o estado actual da sinatura electrónica con expertos de toda España
O Colexio Profesional de Enxeñaría en Informática de Galicia (CPEIG), en colaboración coa Xunta de Galicia, organiza a xornada Construíndo a Indentidade Dixital, que reunirá un amplo número de expertos para abordar a sinatura electrónica desde diferentes puntos de vista: os prestadores de servizos, a administración electrónica, os servizos de certificación dixital e a seguridade, entre outros. A secretaria xeral de Modernización e Innovación Tecnolóxica da Xunta de Galicia, Mar Pereira, e o presidente do CPEIG, Fernando Suárez Lorenzo, inaugurarán a xornada o vindeiro día 26 de xaneiro na Escola Galega de Administración Pública, xunto co director da mesma, Pablo Figueroa Dorrego.
A xornada servirá de presentación do libro Construíndo a Identidade Dixital. Situación actual da sinatura electrónica e das entidades de certificación, elaborado polo colexio, e que estará publicado no portal do CPEIG a partir do vindeiro día 25. Moitos dos relatores presentes na xornada contribuíron á realización do devandito estudo mediante as súas reflexións e análises.
As persoas interesadas en asistiren á xornada deberán inscribirse no formulario dispoñible no portal do CPEIG: http://www.cpeig.org/portal. O prazo de inscrición remata o vindeiro día 24. A asistencia á xornada non supón ningún custo económico.
PROGRAMA DA XORNADA
09:00 RECEPCIÓN DE ASISTENTES
09:10 APERTURA
- Pablo Figueroa Dorrego
Director da Escola Galega de Administración Pública
- Fernando Suárez Lorenzo
Presidente do Colexio Profesional de Enxeñaría en Informática de Galicia
- Mar Pereira Álvarez
Secretaria Xeral de Modernización e Innovación Tecnolóxica da Xunta de Galicia
09:30 MESA REDONDA: A sinatura electrónica e a e-Administración: situación actual e tendencias de futuro
- A situación do despregamento da Lei 11/2007 na Comunidade Autónoma de Galicia
María José García Sexto
Subdirectora Xeral de Sistemas de Información e Modernización da Admón. Pública
Secretaría Xeral de Modernización e Innovación Tecnolóxica da Xunta de Galicia
- O papel das CA’s ante as necesidades da Lei 11/2007
Eduardo Portero Delgado
Director General de Ziurtapen eta Zerbitzu Enpresa-Empresa de Certificación y Servicios (IZENPE)
- A Lei 11/2007 na Administración local
Jesús Rodríguez Castro
Xefe do Departamento de Informática do Concello de Santiago de Compostela
- O DNI-e e a e-Administración
Juan Crespo
Inspector xefe do Cuerpo Nacional de Policía para a área de Informática
11:00 MESA REDONDA: Os prestadores de servizos de certificación
- Certificación electrónica desde un punto de vista global
David Blanco
Cofundador e CEO de Tractis
- Necesidades de colectivos profesionais
Santiago Núñez Mella
Responsable de Contas de Firmaprofesional
- Asesoramento e innovación
Xavier Tarrés Chamorro
Director Xeral da Agència Catalana de Certificació
- Perspectivas de mercado dos prestadores de servizos de certificación
Rafael Román Álvarez
Responsable de Administracións Públicas de Camerfirma
12:30 DESCANSO
13:00 MESA REDONDA: Os retos dos servizos de certificación dixital e da sinatura electrónica
- Retos lexislativos
Victor Salgado Seguín
Socio de Pintos & Salgado Abogados
- Interoperabilidade de sinaturas electrónicas
Julián Inza
Presidente de Albalia Interactiva
- Convivencia das CA’s públicas e privadas
Diego Hernández Gallardo
Director do departamento CERES da FNMT-RCM
- Retos na seguridade
Marcos Gómez Hidalgo
Subdirector de Programas do Instituto Nacional de Tecnologías de la Comunicación (INTECO)
14:30 CLAUSURA
- Fernando Suárez Lorenzo
Presidente do Colexio Profesional de Enxeñaría en Informática de Galicia
Esta xornada desenvólvese no marco do convenio establecido entre o Colexio e a Fundación para o Fomento da Calidade Industrial e o Desenvolvemento Tecnolóxico de Galicia. Esta actuación forma parte das iniciativas impulsadas pola Axenda Dixital 2014.gal da Xunta de Galicia.