A Axencia para a Modernización Tecnolóxica de Galicia vén de presentar a candidatura da Rede de Aulas para a Modernización e Inclusión Tecnolóxica (CeMIT) aos Premios de Internet 2013, organizados pola plataformawww.diadeinternet.org e que teñen por obxectivo recoñecer aquelas Iniciativas, persoas ou organizacións que máis se destacaron, no último ano, no bo uso de Internet e as TIC na súa respectiva categoría.

A Rede CeMIT que participa na categoría de Educación destes galardóns, púxose en marcha en 2011 e conta con 98 aulas presentes en 94 concellos galegos. Con máis de 21.000 usuarios rexistrados a Rede impartiu en 2012 máis de 38.000 de formación gratuíta a cidadáns e empresas.

Iniciativas da plataforma www.diadeinternet.org 
Dende o ano 2005, o 17 de Maio ten lugar o Dia Mundial de Internet, acrónimo acuñado para facer referencia ao "Día mundial da Sociedade da Información e das Telecomunicacións". Esta efeméride busca difundir e promover o bo uso de Internet e das novas tecnoloxías na sociedade con especial atención aos colectivos que menos utilizan a rede, aos que son máis vulnerables e aos que teñen maiores dificultades para acceder a ela.

Con motivo deste celebración, a plataforma www.diadeinternet.org realiza distintas iniciativas, contando para elas coa participación de distintos organismos e institucións e a propia cidadanía.

Dende a Rede CeMIT, como vehículo impulsor da alfabetización dixital colaborase estreitamente con esta plataforma difundindo dúas das súas iniciativas: o Certame online "Cóntanos como ves Internet", dirixido aos alumnos de primaria dos colexios e o Concurso de Fotografía Móbil “A tencoloxía na miña vida cotiá”.

No certame online “Cóntanos como ves Internet” os nenos e nenas menores de 14 anos poderán participar mediante dibuxos, contos e poesías para expoñer a súa visión sobre a Rede e as novas tecnoloxías. Haberá premios tanto para os nenos, como profesores o colexios que participen neste concurso a nivel nacional.

O concurso de Fotografía Móvil “A tecnoloxía na miña vida cotiá” está dirixido a calquera usuario das redes sociais maior de 14 anos que queira demostrar a súa creatividade mediante a presentación dunha fotografía realizada co móbil que reflicta como se utilizan as TIC no día a día.

Cursos para celebrar o día de Internet en 22 aulas
Paralelamente a todas estas actividades, a Rede CeMIT organiza a impartición en 22 das súas aulas de dous cursos relacionados con Internet, que terán lugar antes do 17 de maio. Entre os días días 9 e 10 de maio celebrarse icurso “Opera co teu banco a través da internet” e os días 14, 15 e 16 deste mes terá lugar o curso “Organización de viaxes”. A aulas que participan son as seguintes:

Na provincia de A Coruña: Ames, As Pontes, A Coruña (Eiris), Ares, Cerceda, Fisterra, Ortigueira.
Na provincia de Lugo: Barreiros, Burela, Carballedo, Ribadeo, Sarria.
Na provincia de Ourense: Carballiño, Castrelo de Miño, Castro Caldelas, Celanova, Xunqueira de Ambía.
Na provincia de Pontevedra: A Estrada, Ponteareas, Pontevedra, Tomiño, Valga.

Na web CeMIT pódese consultar os horarios nos que terán lugar estes cursos.