Descrición:

O Colexio Profesional de Enxeñaría Técnica en Informática de Galicia, en colaboración coa Amtega, organiza A VII Xornada de Informática Xudicial e Delitos Informáticos, que reunirá a un panel de relatores expertos do ámbito da avogacía, a enxeñaría informática, a maxistratura e as forzas de seguridade do Estado, que darán unha visión integral da ciberseguridade e da revolución que supón a intelixencia artificial na aplicación da lei. Esta complexa realidade abre numerosas esixencias no eido do dereito, de xeito que os profesionais da xustiza están obrigados a coñecer, interpretar e aplicar estas tecnoloxías para dar unha resposta acorde aos crecentes requirimentos.

A xornada ten os seguintes obxectivos:

• Formar ao noso poder xudicial e aos xuristas en xeral ao fin de, non só coñecer a lexislación, senón tamén a nova realidade tecnolóxica
• Informar e concienciar aos xuristas dos avances en materia probatoria nos casos en que interveña o factor informático no proceso
• Dotar de maior seguridade xurídica á nova realidade tecnolóxica á vez que incrementar a efectividade e a eficiencia da nosa administración xudicial co uso das novas ferramentas electrónicas e forenses

Data: 4 de outubro de 2017

Lugar: Cidade da Cultura da Cultura de Galicia

Horario: De 9:00 a 18:45 horas

Programa:

• 9:00 - Recepción e Entrega do Material
• 9:30 - Presentación VII Xornada Xudicial
• 10:00 - O xuíz robot: a intelixencia artificial na interpretación e aplicación da lei
• 10:50 - Privacidade e dereitos fundamentais na sociedade da información
• 11:40 - Descanso Café
• 12:10 - Ciberseguridade e peritaxe informática
• 13:00 - Mesa Redonda I
• 14:00 - Xantar
• 16:00 - A e-xustiza mito ou realidade?
• 16:50 - Investigación de ciberdelitos nun mundo dixital
• 17:40 - Mesa Redonda II
• 18:45 - Clausura

Para inscribirse e consultar máis información sobre o evento, prema aquí (http://xornadaxudicial.cpetig.org/)