Estes galardóns constitúen unha excelente plataforma para a promoción e proxección das empresas e profesionais galegos e para os produtos e servizos que se están a desenvolver no sector TIC en Galicia.

Dunha banda, entregarase o premio Gradiant á Mellor Tese Doutoral aplicada ao sector TIC, a fin de recoñecer aos investigadores das universidades galegas que fomenten o eido das tecnoloxías da información e a comunicación. Así mesmo, convócase o premio ao Mellor Proxecto TIC con Beneficios Sociais 2018, en colaboración coa Axencia para a Modernización Tecnolóxica de Galicia, destinado a recoñecer aos mellores proxectos no ámbito das tecnoloxías da información e a comunicación que contribúan e aporten beneficios á sociedade.

Para consultar máis información, prema aquí  (www.aetg.gal).