Xestiona: Axencia para a Modernización Tecnolóxica de Galicia (AMTEGA) - Área de Sociedade Dixital

Cofinanciamento: Esta operación está cofinanciada nun 80% polo Fondo Europeo de Desenvolvemento Rural no marco do Programa Operativo FEDER Galicia 2014-2020.

Obxectivo temático: “Potenciar a investigación, o desenvolvemento tecnolóxico e a innovación”

Obxectivo específico:  “Pulo e promoción de actividades de I+i lideradas polas empresas, apoio á creación e consolidación de empresas innovadoras e apoio á compra pública innovadora.”

Obxectivos previstos: Poñeranse en marcha as seguintes actuacións para a xestación de proxectos innovadores para a transformación tecnolóxica das actividades de produción, difusión e distribución de contidos dixitais:

• Elaboración dun estudo do panorama das industrias de contidos dixitais ante as novas tendencias tecnolóxicas que identifique os principais ámbitos de actuación para o desenvolvemento de proxectos tecnolóxicos de vangarda.
• Organización de espazos de networking entre axentes do sector TIC e do sector de contidos dixitais enfocados a estimular a identificación e xestación de proxectos transformadores conxuntos.
• Accións de fomento da innovación aberta para a transferencia de coñecemento e tecnoloxías ás industrias de contidos dixitais de Galicia.
• Servizo de soporte para a identificación e o desenvolvemento de grandes proxectos innovadores conxuntos entre axentes do sector TIC e do sector de contidos dixitais.

Convenio:

1. Convenio entre a Amtega, Cluster TIC Galicia e Cluster Audiovisual Galego para o programa Viraxetic

Obxecto: impulsar actuacións orientadas a maximizar o aproveitamento da aplicación das TIC nas industrias de produción, distribución e difusión de contidos dixitais de Galicia, como baluarte do crecemento económico e social vinculado á economía dixital.

O importe total do convenio ascende a cantidade de 270.000,00 €