Esta Adenda ten por obxecto modificar as cláusulas segunda, terceira, cuarta e oitava do Convenio de Colaboración entre a Axencia para a Modernización Tecnolóxica de Galicia e o Instituto Galego de Promoción Económica para a coordinación de actuacións de impulso de empresa dixital e profesionalización das pemes

Para o financiamento dos contratos que constitúen o obxecto deste convenio de colaboración cada unha das partes achegará os importes máximos, por anualidades, que se indican no cadro inserido a continuación, con cargo ás respectivas aplicacións orzamentarias:

As actuacións correspondentes á Amtega recollidas neste convenio estarán cofinanciadas nun 80 % polo Feder Galicia 2014-2020, obxectivo temático 1.

As actuacións correspondentes ao Igape recollidas neste convenio estarán cofinanciadas ata un 80 % polo Feder Galicia 2014-2020, obxectivo temático 3.”

O presente convenio entrará en vigor na data da súa sinatura e estenderá a súa vixencia ata o momento que se extingan os contratos formalizados dos distintos lotes, con data límite do 30 de xuño de 2022, que se prorroga na primeira adenda ata o 30 de xuño de 2023, sen prexuízo das posibles prórrogas (por períodos anuais ata o máximo de 4 anos) que se acorden e instrumente a través dunha addenda a este Convenio na que se fixará a prórroga e os correlativos compromisos das partes.”

A presente Adenda entrará en vigor na data da súa sinatura. A duración e efectos das condicións contidas na presente Adenda estarán vinculados á vixencia do Convenio.