A Axencia para a Modernización Tecnolóxica de Galicia ten entre os seus obxectivos prioritarios lograr un desenvolvemento efectivo da Sociedade da Información na Comunidade Autónoma de Galicia, promovendo aquelas accións que faciliten e impulsen a incorporación de toda a sociedade aos novos recursos tecnolóxicos da información e das comunicacións e a implicación dos cidadáns galegos na utilización das novas tecnoloxías como factor xerador de novas capacidades, de emprego e de desenvolvemento económico.

Para levar a cabo dita finalidade preténdese poñer en marcha una serie de actuacións para o fomento da Sociedade da Información en colaboración co Colexio Profesional de Enxeñaría Técnica en Informática de Galicia, entre as que estarían:

-IV Xornada de informática Xudicial
-Dous seminarios sobre protección de datos, e-administración e expediente electrónico.
-Obradoiro sobre programación para nenos.

As actividades levadas a cabo en base ao presente convenio supoñerán unha achega económica de 34.000,00 euros para a Amtega.