Participa no Concurso de ideas innovadoras para lograr unha xestión máis eficiente e sostible do turismo e do medio rural a través de tecnoloxías innovadoras baseadas en Xemelgo Dixital.

O Concurso de Ideas do XDG é un certame impulsado pola Axencia para a Modernización Tecnolóxica de Galicia (AMTEGA) destinado a identificar solucións tecnolóxicas innovadoras baseadas no uso de xemelgos dixitais (intelixencia artificial, datos en tempo real e sensorización) que favorezan a xestión, facéndoa máis eficiente, sostible e intelixente. O obxectivo final é conectar as propostas coa Administración, para que se poida contemplar e decidir se estas ideas poden transformarse en proxectos piloto reais, que melloren a nosa xestión territorial — no caso do medio rural, no marco da iniciativa EIRA (Espazo de Innovación Rural Aplicada), impulsada pola Axencia Galega de Desenvolvemento Rural (AGADER) e AMTEGA.

A QUEN VAI DIRIXIDO?

Poden participar PEMEs, centros tecnolóxicos e centros ou grupos de investigación.

CALES SON AS ÁREAS TEMÁTICAS?

O concurso ten dúas verticais estratéxicas onde podes aplicar a túa idea:

Medio Rural: propostas para unha planificación territorial intelixente baseada en datos. Esta vertical enmárcase na iniciativa EIRA (Espazo de Innovación Rural Aplicada), impulsada por AGADER e AMTEGA para consolidar un ecosistema galego de innovación territorial que integre o dato, o coñecemento e a evidencia na toma de decisións sobre o medio rural, e as propostas deberán aliñarse con ese enfoque. Por exemplo: solucións para a recuperación de terras, control de especies, protección gandeira, xestión da auga, cultivos intelixentes, trazabilidade alimentaria ou comunidades enerxéticas.

Turismo: propostas para xestionar de forma intelixente os fluxos turísticos e anticiparse á saturación. Proxectos sobre a estimación de fluxos, modelización do Camiño de Santiago, ocupación de albergues e análise do perfil do visitante.

QUE PODES ACADAR?

• Visibilidade: seleccionaremos seis ideas finalistas (tres do ámbito rural e tres do turismo) que serán promocionadas polas canles da Administración.
• Proxectos piloto: haberá dúas propostas gañadoras (unha por cada área) coa meta de que nunha fase posterior sexan desenvolvidas como proxectos piloto reais implantados no territorio.

TECNOLOXÍA Á TÚA DISPOSICIÓN: A PLATAFORMA TERRITORIO INTELIXENTE (PTI)

Para asegurar que a túa idea sexa viable e poida integrarse coa Administración, a Xunta de Galicia pon á túa disposición a PTI. Esta infraestrutura permíteche construír a túa solución aproveitando a súa potencia. As súas principais capacidades funcionais son:

COMO SE AVALIARÁ A TÚA IDEA?

Un xurado composto por tres representantes de Axencia Galega de Desenvolvemento Rural (AGADER), Axencia Turismo de Galicia (ATURGA) e Axencia para a Modernización Tecnolóxica de Galicia (AMTEGA) valorará:

Tras a avaliación dos formularios de candidatura, seleccionaranse as tres propostas que obtivesen a maior puntuación en cada vertical. Estas seis propostas pasarán á fase de avaliación final, na que os patrocinadores de cada vertical entrevistarán os equipos para ampliar a información das súas candidaturas.

Finalizadas as entrevistas, o comité realizará a valoración definitiva e seleccionará dúas propostas gañadoras por cada vertical.

Está previsto que o resultado final se dea a coñecer o 25 de setembro.

CANDO E COMO PARTICIPAR?

Para participar deberá cubrir o Anexo II das bases de participación e remitilo a través da instancia xenérica da Sede electrónica da Xunta de Galicia á Consellería de Facenda e Administración Pública e á unidade da Axencia para a Modernización Tecnolóxica de Galicia (AMTEGA).

	Deberás cubrir un formulario detallando: o problema, a descrición da solución, a viabilidade económica, a xustificación tecnolóxica, as fontes de datos necesarias e o equipo. Podes enriquecer a proposta con vídeos demostrativos ou gráficos. Accede aquí á información completa!
	Prazo: o prazo comezará o 24 de xullo e rematará o día 07 de setembro de 2026 ás 23:59. Non se admitirán candidaturas fóra deste prazo.